प्रतिनिधी, 12 नोव्हेंबर: बॉलिवूडमध्ये ‘सीरियल किसर’ म्हणून ओळखला जाणारा अभिनेता इमरान हाशमी याने त्याच्या सुरुवातीच्या चित्रपटांमधील बोल्ड सीन्सवर उघडपणे भाष्य केले आहे. याच किसिंग सीन्समुळे त्याला मोठी ओळख मिळाली. मात्र, या प्रतिमेचे परिणाम आपण गेल्या २० वर्षांपासून भोगत असल्याचे त्याने स्पष्ट केले आहे.
नुकत्याच झालेल्या ‘गनमास्टर जी९’ या आगामी चित्रपटाच्या ट्रेलर लॉन्चवेळी तो बोलत होता. या चित्रपटाच्या निमित्ताने इमरान आणि दिग्दर्शक आदित्य दत्त पुन्हा एकदा एकत्र आले आहेत. या दोघांनी २००५ मध्ये आलेल्या ‘आशिक बनाया आपने’ या चित्रपटात काम केले होते. आता जवळपास २१ वर्षांनंतर त्यांची जोडी पुन्हा प्रेक्षकांच्या भेटीला येत आहे.
आदित्य दत्तसोबतच्या कामाबाबत बोलताना इमरान म्हणाला, “जेव्हा आम्हाला पुन्हा एकत्र काम करायचे होते, तेव्हा आम्ही अनेक कथांवर चर्चा केली. पण आमचे हे स्पष्ट होते की, जेव्हा कधी आम्ही एखाद्या चित्रपटासाठी एकत्र येऊ, तेव्हा तो सिनेमाचा एक उत्सव असायला हवा. ज्याचा आनंद आपण स्वतः चाहते म्हणून थिएटरमध्ये जाऊन घेऊ शकू, असे काहीतरी आम्हाला करायचे होते.”
यावेळी इमरानने २००० च्या दशकातील त्याच्या रोमँटिक चित्रपटांच्या बोल्ड आशयाबद्दल आठवण सांगितली. स्वतःलाच टोमणा मारत इमरान म्हणाला की, “हे असे चित्रपट होते की जेव्हा कधी ते टीव्हीवर लागायचे, तेव्हा आता मुलांना झोपवायची वेळ आली आहे, असे पालक म्हणायचे. हे सर्व आदित्य दत्तमुळे झाले असून मी गेल्या २० वर्षांपासून त्याचे परिणाम भोगतोय.”
‘गनमास्टर जी९’ हा चित्रपट थिएटरमध्ये प्रदर्शित झाल्यावर प्रेक्षकांच्या पसंतीस उतरेल, अशी आशा इमरानने व्यक्त केली आहे. या चित्रपटात त्याच्यासोबत अभिनेत्री जिनिलिया देशमुख, अपारशक्ती खुराना आणि अभिषेक सिंग यांच्याही महत्त्वाच्या भूमिका आहेत. हा चित्रपट येत्या २७ नोव्हेंबरला प्रदर्शित होणार आहे.
📌 महत्वाच्या बातम्या
- न्यूझीलंडविरुद्धच्या उर्वरित एकदिवसीय सामन्यांत ऋतुराज गायकवाड-रोहित शर्मा सलामीला येण्याची शक्यता, गुरनूर ब्रारला कसोटी तयारीसाठी सोडणार
- ८व्या वेतन आयोगात कर्मचाऱ्यांची लॉटरी लागणार? किमान वेतन ६९ हजारांवर नेण्याची NC-JCM ची मागणी
- दोन्ही शिवसेना एकत्र आल्यास सर्वाधिक आनंद होईल; विलिनीकरणाच्या चर्चेवर ओमराजे निंबाळकर आणि भरत गोगावलेंचे महत्त्वपूर्ण विधान
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
