प्रतिनिधी, 11 नोव्हेंबर: ऑस्ट्रेलिया दौऱ्यापूर्वी इंग्लंड क्रिकेट संघाला मोठा धक्का बसला आहे. युवा अष्टपैलू खेळाडू जेकब बेथेल आणि वेगवान गोलंदाज जोश टंग दुखापतीमुळे आगामी तीन सामन्यांच्या एकदिवसीय मालिकेतून बाहेर पडले आहेत.
इंग्लंड आणि वेल्स क्रिकेट बोर्डाने (ECB) बुधवारी (११ नोव्हेंबर) याबाबतची माहिती दिली. उजव्या गुडघ्याचे स्कॅनिंग केल्यानंतर बेथेलला या मालिकेतून वगळण्याचा निर्णय घेण्यात आला आहे. तसेच, वेगवान गोलंदाज जोश टंग यालाही डाव्या पायाच्या अंगठ्याला झालेल्या दुखापतीमुळे ऑस्ट्रेलियातील या एकदिवसीय मालिकेला मुकावे लागणार आहे.
पुढील वैद्यकीय तपासणी आणि उपचारांसाठी टंग आता मायदेशी (युनायटेड किंगडम) परतणार असल्याचे बोर्डाने स्पष्ट केले आहे. या दोन्ही खेळाडूंच्या दुखापतींमुळे इंग्लंडच्या निवड समितीला एकदिवसीय संघात बदल करावे लागले आहेत. बेथेल आणि टंग यांच्या जागी जेम्स कोल्स आणि एडी जॅक यांची ऑस्ट्रेलिया दौऱ्यासाठी एकदिवसीय संघात निवड करण्यात आली आहे.
ईसीबीने आपल्या अधिकृत निवेदनात म्हटले आहे की, “जेकब, तुला लवकर बरे वाटेल अशी आशा आहे. उजव्या गुडघ्याच्या स्कॅननंतर जेकब बेथेलला ऑस्ट्रेलियाच्या व्हाईट-बॉल दौऱ्यातून बाहेर काढण्यात आले आहे. जेकब बेथेल आणि जोश टंग यांच्या जागी जेम्स कोल्स आणि एडी जॅक यांना एकदिवसीय संघात बोलावण्यात आले आहे.”
📌 महत्वाच्या बातम्या
- रोहित शर्माने रचला इतिहास; न्यूझीलंडविरुद्ध ठोकले सर्वाधिक विक्रमवीर षटकार
- उस्मान ख्वाजाच्या ‘बॉल टॅम्परिंग’ दाव्यावर मायकल वॉनची प्रतिक्रिया; म्हणाला- ‘आता तरी पुढे चला…’
- माझ्या बायकोची ९ लग्नं, मी सातवा नवरा! पती-पत्नीचे भांडण उच्च न्यायालयात, कोर्टाचा महत्त्वपूर्ण निकाल
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
