प्रतिनिधी, 10 नोव्हेंबर: राष्ट्रवादी काँग्रेसच्या दोन्ही गटांच्या विलीनीकरणाची चर्चा पुन्हा एकदा जोर धरत असताना, शरदचंद्र पवार गटाचे आमदार रोहित पवार यांनी एक सूचक ट्विट केले आहे. या ट्विटच्या माध्यमातून त्यांनी विलीनीकरणाबाबत अत्यंत टोकाची भूमिका घेतल्याचे दिसून येत असून, ते आता वेगळी वाट निवडणार का, अशी चर्चा राजकीय वर्तुळात सुरू झाली आहे.
रोहित पवार यांनी सोशल मीडियावर शेअर केले की, ‘सत्य हेच तुमचं कर्म असेल, तर अपयशाची हिंमत नाही तुम्हाला रोखण्याची,’ असा या रचनेचा आशय आहे. ही ओळ अत्यंत अर्थपूर्ण, प्रेरक आणि संघर्षाला बळ देणारी असल्याचे सांगत, त्यांनी सर्वांना ती नक्की ऐकण्याचे आवाहन केले. या सूचक ट्विटमधून त्यांनी विलीनीकरणाबाबत मोठा राजकीय संदेश दिल्याचे मानले जात आहे.
ज्येष्ठ नेते शरद पवार आजारी असताना प्रफुल्ल पटेल यांनी त्यांची भेट घेतल्याने विलीनीकरणाचा मुद्दा पुन्हा ऐरणीवर आला आहे. ब्रीच कँडी रुग्णालयातून डिस्चार्ज मिळाल्यानंतर शरद पवार यांनी भेटीगाठींचा धडाका लावला असून, दोन्ही गटांचे नेते त्यांच्या भेटीला येत आहेत. पार्थ पवार यांनीही त्यांची दोनदा भेट घेतली.
मात्र, या विलीनीकरणाच्या चर्चेला रोहित पवार यांनी वेगळा सूर लावत सोमवारी स्पष्ट शब्दांत नकार दिला. त्यांच्या मते, ही चर्चा केवळ प्रसारमाध्यमे आणि अजित पवारांच्या पक्षातच सुरू असून, त्यांच्या पक्षात तसा कोणताही विचार नाही. नुकत्याच झालेल्या भेटी केवळ वैयक्तिक, आरोग्य आणि दुष्काळाच्या प्रश्नांवर होत्या; त्यादरम्यान विलीनीकरणावर कोणताही शब्द निघाला नाही, असा दावा त्यांनी केला. महाराष्ट्रात भाजप आणि सत्ताधाऱ्यांविरोधात कोणी बोलत असेल, तर तो आपणच असल्याचेही त्यांनी स्पष्ट केले.
दरम्यान, अजित पवार यांच्या अपघाताबाबत रोहित पवार यांनी शंका उपस्थित केली आहे. या प्रकरणाचा तपास संथ गतीने सुरू असून, सत्ताधारी योग्य दिशेने तपास करत नसल्याचा आरोप त्यांनी केला. राज्यातील ९० टक्क्यांहून अधिक लोकांना हा अपघात नसून घातपात वाटतो, तरीही एफआयआर दाखल होत नसल्याकडे त्यांनी लक्ष वेधले. यासंदर्भात १५ नोव्हेंबर रोजी आपण एक महत्त्वाचे प्रेझेंटेशन करणार असून, त्यातून अनेक महत्त्वाच्या बाबी समोर येतील, असा इशाराही रोहित पवार यांनी दिला आहे.
📌 महत्वाच्या बातम्या
- गोकुळ दूध संघाच्या अध्यक्षपदासाठी महायुतीकडून राजेश पाटील रिंगणात; ‘फेटा न बांधण्याच्या’ निर्धाराची पुन्हा चर्चा
- दोन्ही राष्ट्रवादी काँग्रेस एकत्र येण्याऐवजी तिसराच गट पडणार? मंत्री संजय शिरसाटांच्या विधानाने खळबळ
- ४८ तास कोठडीत राहिल्यास सरकारी कर्मचारी आपोआप निलंबित; सर्वोच्च न्यायालयाचा मोठा निर्णय
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
