प्रतिनिधी, 19 ऑक्टोबर: सणासुदीच्या काळात चेहऱ्यावर नैसर्गिक चमक असावी, यासाठी अनेक महिला पार्लरमध्ये जाऊन फेशियल किंवा फेस क्लिनअप करतात. मात्र, पार्लरमध्ये जाण्यासाठी पुरेसा वेळ नसेल किंवा तुम्हाला महागडे फेशियल करायचे नसेल, तर काळजी करण्याची गरज नाही. तुम्ही घरच्या घरी (Homemade Facial) अतिशय सोप्या पद्धतीने आणि फक्त ४ स्टेप्स फॉलो करून चेहऱ्यावर चमकदार ग्लो मिळवू शकता. घरच्या घरी सहज करता येण्यासारख्या दोन खास फेशियल्सची माहिती खालीलप्रमाणे आहे.
पहिला पर्याय एलोवेरा फेशियलचा आहे. याच्या पहिल्या स्टेपमध्ये एका वाटीत एलोवेरा जेल आणि लिंबाचा रस एकत्र करून चेहऱ्याला लावा. थोडा वेळ मसाज करून कापसाने चेहरा स्वच्छ करा. दुसऱ्या स्टेपमध्ये स्क्रबिंगसाठी एलोवेरा जेल, लिंबाचा रस आणि तांदळाचे पीठ एकत्र करा. हे मिश्रण चेहऱ्यावर लावून साधारण दोन मिनिटे गोलाकार (सर्कुलर मोशनमध्ये) मसाज करा आणि त्यानंतर पाण्याने चेहरा धुवून घ्या.
या फेशियलच्या तिसऱ्या स्टेपमध्ये मसाज करण्यासाठी एक चमचा एलोवेरा जेल आणि एक चमचा मध एकत्र करून चेहऱ्यावर १० मिनिटे मसाज करा. सर्वात शेवटी फेस पॅक लावण्यासाठी चंदन पावडर, एलोवेरा जेल आणि गुलाब पाणी एकत्र करून लेप तयार करा. हा तयार केलेला पॅक चेहऱ्यावर १५ मिनिटे तसाच राहू द्या आणि त्यानंतर चेहरा पाण्याने स्वच्छ धुवा.
दुसरा पर्याय पपई फेशियलचा आहे. यामध्ये क्लींजिंग करण्यासाठी मॅश केलेली पपई आणि दूध एकत्र करून चेहऱ्यावर एक ते दोन मिनिटे चांगला मसाज करा व त्यानंतर कोमट पाण्याने चेहरा धुवा. पुढच्या स्टेपमध्ये मॅश केलेली पपई आणि तांदळाचे पीठ यांची घट्ट पेस्ट तयार करून चेहऱ्याला तसेच मानेला लावा. या स्क्रबने किमान तीन मिनिटे हलक्या हाताने मसाज करून नंतर चेहरा धुवून घ्या.
पपई फेशियलच्या पुढच्या स्टेपमध्ये मॅश केलेल्या पपईची पेस्ट आणि एलोवेरा जेल एकत्र करा. हे मिश्रण चेहरा आणि मानेवर लावून किमान १० मिनिटे हलका दाब देत वरच्या दिशेने मसाज करा. अखेरच्या स्टेपमध्ये फेस पॅक बनवण्यासाठी मॅश केलेली पपई, मध आणि लिंबाचा रस व्यवस्थित मिक्स करून घ्या. हा पॅक संपूर्ण चेहरा आणि मानेवर एकसमान लावून १० ते १५ मिनिटे सुकू द्या, आणि नंतर स्वच्छ पाण्याने धुवा.
📌 महत्वाच्या बातम्या
- अलका याग्निक-अनुराधा पौडवाल वादातून झाली गुलशन कुमार यांची हत्या? उज्ज्वल निकमांचा मोठा खुलासा
- जंतरमंतर आंदोलन प्रकरण: ‘कॉकरोच जनता पार्टी’च्या सौरव दास, आशुतोष रांका यांच्या न्यायालयीन कोठडीत वाढ
- गोकुळ निवडणूक : सतेज पाटलांची बाजी, पण निकाल फिरवण्याच्या प्रयत्नांवरून रोहित पवारांचा खळबळजनक आरोप
Quick Answers
घरच्या घरी करण्यासाठी एलोवेरा फेशियल आणि पपई फेशियल हे दोन पर्याय सुचवण्यात आले आहेत.
एलोवेरा फेशियलच्या स्क्रबिंगसाठी एलोवेरा जेल, लिंबाचा रस आणि तांदळाचे पीठ एकत्र करावे लागते.
फेस पॅक तयार करण्यासाठी चंदन पावडर, एलोवेरा जेल आणि गुलाब पाणी एकत्र करून लेप तयार करावा. हा पॅक चेहऱ्यावर १५ मिनिटे तसाच राहू देऊन नंतर चेहरा पाण्याने धुवावा.
क्लींजिंग करण्यासाठी मॅश केलेली पपई आणि दूध एकत्र करून चेहऱ्यावर एक ते दोन मिनिटे चांगला मसाज करावा आणि त्यानंतर कोमट पाण्याने चेहरा धुवावा.
पपई फेशियलचा फेस पॅक बनवण्यासाठी मॅश केलेली पपई, मध आणि लिंबाचा रस एकत्र मिक्स करावा लागतो.
टीप: खालील झटपट उत्तरे AI च्या सहाय्याने तयार करण्यात आली असून ती वरील मूळ बातमीतील माहितीनुसार आहेत. अधिक संदर्भासाठी संपूर्ण बातमी वाचा.
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
