प्रतिनिधी, 19 ऑक्टोबर: जंतरमंतर येथील आंदोलन प्रकरणात ‘कॉकरोच जनता पार्टी’चे नेते सौरव दास (CJP Saurav Das) आणि आशुतोष रांका यांच्या न्यायालयीन कोठडीत आणखी दोन दिवसांची वाढ करण्यात आली आहे. विशेष कार्यकारी दंडाधिकाऱ्यांनी १९ ऑक्टोबर रोजी हा निर्णय दिला असून, या प्रकरणाची पुढील सुनावणी आता २१ ऑक्टोबरला होणार आहे.
अटकेच्या दिवशी जामीनदार उपलब्ध नसल्याने सुरुवातीला या नेत्यांना न्यायालयीन कोठडी सुनावण्यात आली होती. आता आवश्यक कागदपत्रांसह नवीन जामीनदार हजर करत सुटकेसाठी ‘सीजेपी’च्या कायदेशीर टीमने विशेष कार्यकारी दंडाधिकाऱ्यांकडे अर्ज दाखल केला होता. पाच दिवसांच्या कोठडीची मुदत संपल्यानंतर वकिलांनी त्यांच्या तात्काळ सुटकेची विनंती केली. मात्र, सुनावणीदरम्यान राज्याच्या वतीने नव्याने अर्ज दाखल करत आणखी ५ ते ७ दिवसांच्या कोठडीची मागणी करण्यात आली. सार्वजनिक सुव्यवस्था आणि शांततेला धोका असल्याचे कारण त्यासाठी देण्यात आले.
‘सीजेपी’च्या नेत्यांचे वकील अभिक चिमणी यांनी यावर तीव्र नाराजी व्यक्त केली आहे. ते म्हणाले, “गेल्या सुनावणीत न्यायालयाने आधीचे जामीनदार कायदेशीररीत्या स्वीकारार्ह नसल्याचे म्हटले होते. त्यामुळे आज आम्ही नवीन जामीनदार न्यायालयात हजर केले. मात्र, राज्याने कोठडी वाढवण्यासाठी दिलेली कारणे आमच्यासाठी अत्यंत धक्कादायक आहेत. माझ्या अशीलांवर याप्रकरणी कोणताही एफआयआर नाही किंवा कोणतीही चौकशी प्रलंबित नाही. ते केवळ आंदोलन करतील या भीतीने त्यांना प्रतिबंधात्मक कोठडीत ठेवण्यात आले आहे. हे अतिशय भयानक आणि अस्वस्थ करणारे असून आम्ही याविरोधात कायदेशीर लढा देऊ.”
जंतरमंतर हे आंदोलनासाठीचे अधिकृत ठिकाण म्हणून रद्द (Denotified) करण्यात आल्यानंतरच्या दिवशी, म्हणजेच १३ ऑक्टोबरला दास आणि रांका यांनी तिथे प्रवेश केला होता. त्यामुळे त्यांना १३ तारखेला ताब्यात घेण्यात आले आणि १४ ऑक्टोबरला ५ दिवसांची न्यायालयीन कोठडी सुनावण्यात आली होती. आपण त्या ठिकाणी केवळ राष्ट्रध्वज फडकवला आणि घोषणाबाजी केली, असा दावा ‘सीजेपी’च्या नेत्यांनी केला आहे.
मुख्य निवडणूक आयुक्त ज्ञानेश कुमार आणि मतदार याद्यांच्या विशेष सखोल पुनरीक्षण (SIR) मोहिमेविरोधात ‘कॉकरोच जनता पार्टी’कडून हे आंदोलन करण्यात येत आहे. या प्रक्रियेमुळे मतदारांच्या हक्कांवर गदा येत असल्याचा आरोप पक्षाने केला आहे.
📌 महत्वाच्या बातम्या
- गोकुळ निवडणूक : सतेज पाटलांची बाजी, पण निकाल फिरवण्याच्या प्रयत्नांवरून रोहित पवारांचा खळबळजनक आरोप
- मका साठेबाजांवर करडी नजर ठेवणार, पोल्ट्री उद्योगालाही दिलासा देणार: मुख्यमंत्री देवेंद्र फडणवीस
- राज्यातील विधान परिषदेच्या ५ जागांसाठी १८२ उमेदवार रिंगणात, २३ ऑक्टोबरला मतदान
Quick Answers
सौरव दास आणि आशुतोष रांका यांच्या न्यायालयीन कोठडीत आणखी दोन दिवसांची वाढ करण्यात आली असून पुढील सुनावणी २१ ऑक्टोबरला होणार आहे.
सार्वजनिक सुव्यवस्था आणि शांततेला धोका असल्याचे कारण देत राज्याच्या वतीने कोठडी वाढवण्याची मागणी करण्यात आली होती.
जंतरमंतर हे आंदोलनासाठीचे अधिकृत ठिकाण म्हणून रद्द झाल्यानंतरच्या दिवशी, म्हणजेच १३ ऑक्टोबरला या दोघांना ताब्यात घेण्यात आले होते.
मुख्य निवडणूक आयुक्त ज्ञानेश कुमार आणि मतदार याद्यांच्या विशेष सखोल पुनरीक्षण (SIR) मोहिमेविरोधात हे आंदोलन केले जात आहे.
टीप: खालील झटपट उत्तरे AI च्या सहाय्याने तयार करण्यात आली असून ती वरील मूळ बातमीतील माहितीनुसार आहेत. अधिक संदर्भासाठी संपूर्ण बातमी वाचा.
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
