प्रतिनिधी, 15 ऑक्टोबर: इंडियन प्रीमियर लीगच्या (आयपीएल) आगामी हंगामापूर्वी सनरायझर्स हैदराबाद आणि दिल्ली कॅपिटल्स या दोन फ्रँचायझींमध्ये खेळाडूंची मोठी अदलाबदल (ट्रेड) झाली आहे. या करारानुसार भारताचा डावखुरा वेगवान गोलंदाज टी. नटराजनची पुन्हा एकदा सनरायझर्स हैदराबाद संघात घरवापसी झाली आहे. तर युवा लेग-स्पिनर झीशान अन्सारी आता दिल्ली कॅपिटल्सकडून खेळणार आहे.
आयपीएल २०२५ च्या मेगा लिलावात दिल्ली कॅपिटल्सने नटराजनला १०.७५ कोटी रुपयांची मोठी रक्कम मोजून आपल्या संघात घेतले होते. मात्र, आता ५ कोटी रुपयांच्या सुधारित शुल्कावर तो पुन्हा हैदराबादच्या संघात दाखल झाला आहे. यापूर्वी २०२० ते २०२४ या सलग पाच हंगामांत त्याने हैदराबादचे प्रतिनिधित्व करत संघात स्वतःचे महत्त्वाचे स्थान निर्माण केले होते.
नटराजनसाठी आयपीएल २०२४ चा हंगाम अतिशय यशस्वी ठरला होता. त्याने त्या हंगामात सर्वाधिक १९ विकेट्स घेत हैदराबादला अंतिम फेरीपर्यंत पोहोचवण्यात महत्त्वाची भूमिका बजावली होती. त्याच्या अचूक यॉर्कर्स आणि डेथ ओव्हर्समधील प्रभावी गोलंदाजीचा पर्याय आता पुन्हा एकदा हैदराबाद संघाला मिळणार आहे.
दुसरीकडे, २६ वर्षीय लेग-स्पिनर झीशान अन्सारी आता ४० लाख रुपयांच्या विद्यमान शुल्कावर दिल्ली कॅपिटल्सकडून खेळताना दिसेल. झीशानने आतापर्यंत आयपीएलमध्ये १० सामने खेळले असून त्यात ६ बळी घेतले आहेत. विशेष म्हणजे, त्याने आपल्या आयपीएल पदार्पणातच दिल्लीविरुद्ध तीन विकेट्स घेत सर्वांचे लक्ष वेधून घेतले होते. त्याच्या समावेशामुळे दिल्ली कॅपिटल्सच्या फिरकी गोलंदाजी विभागाला बळकटी मिळणार आहे.
📌 महत्वाच्या बातम्या
- राज्यात दुष्काळाच्या तीव्र झळा; ६३५ गावे अन् २४४७ वाड्यांना टँकरने पाणी, मराठवाड्याची सर्वाधिक होरपळ
- गुणरत्न सदावर्ते पहिल्यांदाच उद्धव ठाकरेंच्या भूमिकेशी सहमत; थेट एकनाथ शिंदेंच्या राजीनाम्याची केली मागणी
- दुष्काळग्रस्त विद्यार्थ्यांना दिलासा; परीक्षा शुल्क घेऊ नका, घेतलेले परत करा : चंद्रकांत पाटील
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
