प्रतिनिधी, 14 ऑक्टोबर: ज्येष्ठ अभिनेते नाना पाटेकर यांच्या निधनाच्या वृत्ताने चित्रपटसृष्टीवर मोठी शोककळा पसरली आहे. वयाच्या ७५ व्या वर्षी त्यांनी अखेरचा श्वास घेतल्याने सिनेसृष्टीत एक न भरून निघणारी पोकळी निर्माण झाली आहे. त्यांच्या निधनानंतर आता त्यांच्या आयुष्यातील अनेक रंजक आणि जुने किस्से सोशल मीडियावर चर्चेत आले आहेत.
हिंदी आणि मराठी अशा दोन्ही सिनेसृष्टीत नानांनी आपल्या अभिनयाचा मोठा ठसा उमटवला. 'क्रांतिवीर', 'यशवंत', 'परिंदा' आणि 'वेलकम' यांसारख्या बॉलिवूड चित्रपटांसह 'नटसम्राट' व 'पक पक पकाक' या गाजलेल्या मराठी चित्रपटांमधून त्यांनी प्रेक्षकांच्या मनावर राज्य केले. कोणत्याही भूमिकेत जीव ओतून ती परिपूर्ण करण्यावर त्यांचा नेहमीच भर असायचा. आपल्या अभिनयाच्या जोरावर त्यांनी प्रत्येक पात्र जिवंत केले.
त्यांच्या निधनानंतर प्रसिद्ध अभिनेते परेश रावल यांचा एका मुलाखतीतील जुना व्हिडीओ सध्या व्हायरल होत आहे. या व्हिडीओमध्ये रावल यांनी नानांच्या आयुष्यातील एक भन्नाट किस्सा सांगितला आहे. एकदा नानांनी एका नामांकित निर्मात्याला स्वतःच्या घरी जेवणासाठी आमंत्रित केले होते. त्यांनी त्या निर्मात्यासाठी स्वतःच्या हाताने मटण बनवले आणि जेवण झाल्यानंतर चक्क त्या निर्मात्यालाच उष्टी भांडी घासायला लावली होती.
परेश रावल यांनी या मुलाखतीत सांगितले की, ज्या काळात संपूर्ण बॉलिवूडमध्ये कलाकारांचे मानधन केवळ काही लाखांमध्ये असायचे, तेव्हा नाना पाटेकर हे आपल्या भूमिकेसाठी कोट्यवधी रुपयांची मागणी करणारे एकमेव कलाकार होते. मटण खायला बोलावून भांडी घासायला लावल्याचा तो प्रसंग खरा असल्याचे सांगतानाच, रावल यांनी त्या निर्मात्याचे नाव मात्र उघड करण्यास नकार दिला. त्यामुळे हा प्रसिद्ध निर्माता नक्की कोण, असा प्रश्न आता सर्वांनाच पडला आहे.
📌 महत्वाच्या बातम्या
- तनुश्री दत्ताचे नाना पाटेकरांबाबत धक्कादायक दावे; ‘नव्या अभिनेत्रींना वेश्याव्यवसायात ढकलतात’, जुने वक्तव्य चर्चेत
- ‘नटसम्राट’च्या शूटिंगवेळी नाना काकांनी मला रट्ट्कन फटका मारला; मृण्मयी देशपांडेकडून किस्सा उलगडला
- मुंबई रणजी संघाला मोठा धक्का; उपकर्णधार आयुष म्हात्रे दुखापतग्रस्त, सूर्यकुमार की अंगक्रिशला संधी?
Quick Answers
परेश रावल यांनी सांगितल्यानुसार, नाना पाटेकर यांनी एकदा एका नामांकित निर्मात्याला घरी जेवायला बोलावून स्वतःच्या हाताने मटण बनवून खाऊ घातले आणि जेवणानंतर त्या निर्मात्यालाच उष्टी भांडी घासायला लावली होती.
ज्या काळात बॉलिवूडमध्ये कलाकारांचे मानधन केवळ काही लाखांमध्ये असायचे, त्या काळात नाना पाटेकर आपल्या भूमिकेसाठी कोट्यवधी रुपयांची मागणी करणारे एकमेव कलाकार होते, असे परेश रावल यांनी सांगितले.
लेखात बॉलिवूडमधील 'क्रांतिवीर', 'यशवंत', 'परिंदा', 'वेलकम' आणि मराठीतील 'नटसम्राट' व 'पक पक पकाक' या चित्रपटांचा उल्लेख करण्यात आला आहे.
टीप: खालील झटपट उत्तरे AI च्या सहाय्याने तयार करण्यात आली असून ती वरील मूळ बातमीतील माहितीनुसार आहेत. अधिक संदर्भासाठी संपूर्ण बातमी वाचा.
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
