प्रतिनिधी, 10 ऑक्टोबर: प्रधानमंत्री किसान सन्मान निधी योजनेअंतर्गत आगामी २४ वा हप्ता मिळवण्यासाठी शेतकऱ्यांनी ई-केवायसी (e-KYC) प्रक्रिया पूर्ण करणे अनिवार्य करण्यात आले आहे. केवायसी न केल्यास शेतकऱ्यांना यापुढील हप्त्याचे पैसे मिळणार नाहीत, असे स्पष्ट करण्यात आले आहे.
कृषी विभागाने दिलेल्या माहितीनुसार, चालू ऑक्टोबर महिन्यात २४ वा हप्ता वितरित होण्याची शक्यता आहे. या हप्त्याद्वारे शेतकऱ्यांच्या बँक खात्यात दोन हजार रुपये जमा केले जातील. थेट लाभ हस्तांतरण (DBT) पद्धतीचा वापर करून सरकार ही रक्कम लाभार्थ्यांना देते. यापूर्वी सरकारने २० जून २०२६ रोजी योजनेचा २३ वा हप्ता शेतकऱ्यांना दिला होता.
यंदा पीएम किसान पोर्टलवर एक महत्त्वपूर्ण बदल करण्यात आला असून, लाभार्थ्यांच्या माहितीत ‘शेतकरी आयडी’साठी एक नवीन रकाना समाविष्ट करण्यात आला आहे. कोणत्याही परिस्थितीत केवायसी पूर्ण केल्याशिवाय शेतकऱ्यांसमोर दुसरा पर्याय उपलब्ध नाही.
देशभरातील लाखो लहान आणि अल्पभूधारक शेतकऱ्यांसाठी ही योजना (PM Kisan Yojana) अत्यंत फायदेशीर ठरत आहे. या योजनेतून केंद्र सरकार दरवर्षी ६,००० रुपयांची आर्थिक मदत प्रत्येकी दोन हजारांच्या तीन समान हप्त्यांमध्ये थेट शेतकऱ्यांच्या बँक खात्यात देते.
📌 महत्वाच्या बातम्या
- अभिजीत दीपकेंना ताब्यात घेतल्यानंतर सीजेपीच्या दिल्ली आंदोलनाची धुरा अजिंक्य शिंदेंकडे; कोण आहेत अजिंक्य शिंदे?
- अभिनेता उत्तम, पण माणूस म्हणून… अश्विनी भावे यांनी शेअर केल्या नाना पाटेकरांच्या आठवणी
- छोटा नट गेला की पांढरे कपडे घालून रांगा लावतात, मग नानांसाठी का नाही? प्रवीण तरडे बॉलिवूडवर संतापले
Ask Maharashtra Desha
आधी महाराष्ट्र देशाच्या उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
