प्रतिनिधी, 25 ऑक्टोबर: दिवाळीच्या तोंडावर शेतकऱ्यांसाठी एक मोठी आणि महत्त्वाची बातमी आहे. पंतप्रधान किसान सन्मान निधी योजनेचा (PM Kisan Samman Nidhi Yojana) २४ वा हप्ता ३० ऑक्टोबर रोजी वितरित केला जाणार आहे. यामुळे पुढच्या आठवड्यात पात्र शेतकऱ्यांच्या बँक खात्यात थेट २००० रुपये जमा होणार आहेत.
ज्या शेतकऱ्यांची ई-केवायसी (e-KYC) प्रक्रिया अद्याप अपूर्ण आहे, त्यांनी ती तातडीने पूर्ण करणे आवश्यक आहे. ई-केवायसी पूर्ण न केल्यास संबंधित शेतकरी या आर्थिक लाभापासून वंचित राहू शकतात. या योजनेसाठी नोंदणीकृत लाभार्थ्यांची ओळख पटवणे अनिवार्य असल्याने ई-केवायसी ही अत्यंत महत्त्वाची अट आहे.
केवळ ई-केवायसीच नव्हे, तर चुकीच्या नोंदी, बँक खाते आधारशी लिंक नसणे किंवा जमिनीची पडताळणी अपूर्ण असणे या कारणांमुळेही पेमेंटला विलंब होऊ शकतो. त्यामुळे शेवटच्या दिवसाची वाट न पाहता शेतकऱ्यांनी आपली वैयक्तिक माहिती आणि जमिनीच्या नोंदी अचूक असल्याची खात्री करून या समस्या आधीच सोडवाव्यात.
पैसे मिळण्यासंदर्भात आपली पात्रता तपासण्यासाठी शेतकरी pmkisan.gov.in या अधिकृत वेबसाइटचा वापर करू शकतात. मोबाईल किंवा संगणकावर ही वेबसाईट उघडून ‘नो युवर स्टेटस’ हा पर्याय निवडावा. त्यात आपला नोंदणी क्रमांक आणि स्क्रीनवरील कॅप्चा कोड टाकून ‘ओटीपी मिळवा’वर क्लिक करावे. नोंदणीकृत मोबाईलवर आलेला ओटीपी टाकल्यानंतर स्क्रीनवर लाभार्थी आणि ई-केवायसीची स्थिती दिसेल. रेकॉर्डमध्ये काही त्रुटी असल्यास दुरुस्तीसाठी संबंधित सेवा केंद्राशी संपर्क साधावा.
ई-केवायसी पूर्ण करण्यासाठी शेतकऱ्यांकडे ओटीपी, फिंगरप्रिंट आणि फेस ऑथेंटिकेशन असे तीन पर्याय उपलब्ध आहेत. ओटीपी पद्धतीसाठी तुमचा मोबाईल क्रमांक आधारशी लिंक असणे गरजेचे आहे. वेबसाइट किंवा मोबाईल ॲपवर ‘ई-केवायसी’ पर्याय निवडून आधार क्रमांक टाकावा. त्यानंतर आधारशी जोडलेल्या मोबाईलवर आलेला ओटीपी प्रविष्ट करून सूचनांचे पालन केल्यास ही प्रक्रिया पूर्ण होते. त्यानंतर पडताळणी यशस्वी झाल्याचे पुन्हा तपासून पाहावे.
ऑनलाईन प्रक्रियेत अडचण येणाऱ्या शेतकऱ्यांना फिंगरप्रिंट पडताळणीसाठी ‘कॉमन सर्व्हिस सेंटर’ किंवा ‘राज्य सेवा केंद्रा’त जाण्याचा पर्यायही उपलब्ध आहे. याशिवाय मोबाईलवरून फेस ऑथेंटिकेशन करण्यासाठी गुगल प्ले स्टोअरवरून ‘PM-KISAN’ आणि ‘आधार फेस आरडी’ ही ॲप्स डाऊनलोड करावी लागतील. त्यात योजनेशी संलग्न मोबाईल नंबरने लॉग इन करून ‘लाभार्थी स्थिती’ उघडावी. ई-केवायसी स्थिती ‘नाही’ असल्यास ई-केवायसी पर्याय निवडून चेहरा स्कॅन करण्यासाठी दिलेल्या सूचनांचे पालन करावे.
📌 महत्वाच्या बातम्या
- डॉक्युमेंट्री हटवल्यानंतर राज ठाकरेंवर ‘यू-टर्न’ची टीका; टोल नाका ते ‘बिनशर्त’ पाठिंबा, ठाकरेंच्या ‘यू-टर्न’ची नेटकऱ्यांकडून खिल्ली
- नितीन गडकरींचा राजकीय नेत्यांना मिश्किल टोला; म्हणाले, ‘चतुर नेते कडक कपडे घालतात, पण…’
- नाना पटोले यांचा खळबळजनक दावा: ‘IB च्या रिपोर्टनुसार माविआचे १६० आमदार निवडून येणार होते, पण बोगस मतदानातून कट रचला’
Quick Answers
पीएम किसान सन्मान निधी योजनेचा २४ वा हप्ता ३० ऑक्टोबर रोजी वितरित केला जाणार असून पात्र शेतकऱ्यांच्या बँक खात्यात थेट २००० रुपये जमा होणार आहेत.
ई-केवायसी अपूर्ण असणे, चुकीच्या नोंदी, बँक खाते आधारशी लिंक नसणे किंवा जमिनीची पडताळणी अपूर्ण असणे या कारणांमुळे पेमेंटला विलंब होऊ शकतो अथवा शेतकरी लाभापासून वंचित राहू शकतात.
शेतकरी pmkisan.gov.in या अधिकृत वेबसाइटवर जाऊन 'नो युवर स्टेटस' पर्यायाद्वारे आपला नोंदणी क्रमांक, कॅप्चा आणि मोबाईलवर आलेला ओटीपी टाकून लाभार्थी आणि ई-केवायसीची स्थिती तपासू शकतात.
ई-केवायसी पूर्ण करण्यासाठी शेतकऱ्यांकडे ओटीपी, फिंगरप्रिंट आणि फेस ऑथेंटिकेशन हे तीन पर्याय उपलब्ध आहेत.
टीप: खालील झटपट उत्तरे AI च्या सहाय्याने तयार करण्यात आली असून ती वरील मूळ बातमीतील माहितीनुसार आहेत. अधिक संदर्भासाठी संपूर्ण बातमी वाचा.
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
