प्रतिनिधी, 9 ऑक्टोबर: ज्येष्ठ अभिनेते नाना पाटेकर यांचे वयाच्या ७५ व्या वर्षी गोव्यात निधन झाले आहे. हृदयविकाराच्या झटक्याने त्यांचे निधन झाले आहे. त्यांच्या अचानक जाण्याने संपूर्ण चित्रपटसृष्टीवर मोठी शोककळा पसरली आहे.
नाना पाटेकर हे त्यांच्या साध्या राहणीमानासाठी आणि घरगुती जेवणाच्या आवडीसाठी नेहमीच ओळखले जात. विशेषतः त्यांना आईच्या हातच्या केळीच्या फुलांच्या भाजीची प्रचंड आवड होती. एका वृत्तवाहिनीला दिलेल्या मुलाखतीत त्यांनी सांगितले होते की, त्यांची आई ही भाजी इतकी चविष्ट बनवायची की, त्यात कोणते पदार्थ वापरले आहेत हे खाणाऱ्याला कधीच ओळखता येत नसे.
‘तिरंगा’ चित्रपटाच्या शूटिंगदरम्यानचा या भाजीचा एक खास किस्सा आहे. त्यावेळी अभिनेते राजकुमार यांनी नाना पाटेकर यांच्या डब्यातील केळीच्या फुलांची भाजी खाल्ली होती. ही भाजी ‘खिमा’ असल्याचे समजून त्यांनी या पदार्थाचे खूप कौतुक केले. पाटेकर यांनी ती केळीच्या फुलांची भाजी असल्याचे स्पष्ट करूनही, राजकुमार यांनी तो खिमाच असल्याचा आग्रह धरला होता.
या निमित्ताने नानांच्या आवडीच्या केळीच्या फुलांची भाजी बनवण्याची पद्धतही चर्चेत आली आहे. ही भाजी बनवण्यासाठी सर्वप्रथम फुलाची बाहेरील गडद पाने, आतील कडक देठ आणि पातळ पारदर्शक आवरण काढून ती बारीक चिरून घ्यावी लागते. कडवटपणा दूर करण्यासाठी चिरलेली फुले १५-२० मिनिटे हळद-मिठाच्या पाण्यात भिजत ठेवल्यानंतर ती उकळून घेतली जातात. त्यानंतर गरम तेलात जिरे आणि कांदा सोनेरी रंगाचा होईपर्यंत परतून, त्यात एक चमचा आले-लसूण पेस्ट, हिरवी मिरची आणि टोमॅटो टाकून मसाला तयार केला जातो. या मसाल्यात उकडलेली फुले, अर्धा चमचा लाल तिखट, हळद, धने पावडर आणि चवीनुसार मीठ टाकून भाजी शिजवली जाते. शेवटी गरम मसाला आणि कोथिंबीर घालून ही चविष्ट भाजी तयार केली जाते.
📌 महत्वाच्या बातम्या
- ज्येष्ठ अभिनेते नाना पाटेकर यांचे गोव्यात निधन; पाच दशकांचा मित्र गमावल्याने अमोल पालेकर भावुक
- “अशी अवस्था असेल तर आंदोलनं का होणार नाहीत?”; शाळा-वसतिगृहांच्या दुरवस्थेवरून फडणवीसांनी अधिकाऱ्यांना फटकारले
- दिग्गज अभिनेते नाना पाटेकर यांचे गोव्यात निधन; सचिन तेंडुलकर, अजिंक्य रहाणेकडून भावपूर्ण श्रद्धांजली
Quick Answers
नाना पाटेकर यांचे वयाच्या ७५ व्या वर्षी गोव्यात निधन झाले.
त्यांचे निधन हृदयविकाराच्या झटक्याने झाले आहे.
नाना पाटेकर यांना आईच्या हातच्या केळीच्या फुलांच्या भाजीची प्रचंड आवड होती.
नाना पाटेकर यांच्या डब्यातील केळीच्या फुलांची भाजी खाल्ल्यानंतर राजकुमार यांनी ती भाजी ‘खिमा’ असल्याचे समजून कौतुक केले होते आणि नानांनी स्पष्ट करूनही तो खिमाच असल्याचा आग्रह धरला होता.
टीप: खालील झटपट उत्तरे AI च्या सहाय्याने तयार करण्यात आली असून ती वरील मूळ बातमीतील माहितीनुसार आहेत. अधिक संदर्भासाठी संपूर्ण बातमी वाचा.
Ask Maharashtra Desha
आधी महाराष्ट्र देशाच्या उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
