MPSC च्या विद्यार्थ्यांच्या आंदोलनाचे राजकारण होत असल्याचा देवेंद्र फडणवीसांचा आरोप

MPSC विद्यार्थ्यांच्या आंदोलनाचे राजकारण होत असल्याचा आरोप करत, आजी-माजी अध्यक्षांच्या चौकशीचे आदेश दिले असल्याची माहिती मुख्यमंत्री देवेंद्र फडणवीस यांनी दिली.

Published On: 

Devendra Fadnavis | Mahanagarpalika Election

प्रतिनिधी, 6 ऑक्टोबर: MPSC विद्यार्थ्यांच्या मनात विश्वास निर्माण करण्यासाठी महाराष्ट्र लोकसेवा आयोगाच्या (MPSC) आजी आणि माजी अध्यक्षांची चौकशी करण्याचे आदेश देण्यात आल्याची माहिती मुख्यमंत्री देवेंद्र फडणवीस (Devendra Fadnavis) यांनी दिली. या चौकशीबाबतची विनंती राज्य सरकारने राज्यपालांकडे केली आहे. विद्यार्थ्यांचे प्रश्न सोडवण्यासाठी सरकार सकारात्मक असून त्याबाबत शासनाने निर्णय घेतले आहेत. मात्र, MPSC विद्यार्थ्यांच्या आंदोलनाचे राजकारण केले जात असून, राजकीय नेतृत्वासाठी विद्यार्थ्यांचा वापर होत असल्याचा आरोप फडणवीसांनी केला. तसेच, आदिवासी विद्यार्थ्यांच्या मागण्या मान्य केल्या असून त्यानंतर विद्यार्थ्यांनी आपले अभिनंदन केल्याची माहितीही त्यांनी दिली.

MPSC अध्यक्षांचा राजीनामा घेणे किंवा त्यांना हटवणे हे राज्य सरकारच्या हातात नसल्याचे फडणवीसांनी स्पष्ट केले. संविधानानुसार सुप्रीम कोर्टाच्या शिफारसीवरूनच राष्ट्रपती त्यांना हटवू शकतात. पेपर फुटीच्या घटनेवेळी विद्यमान अध्यक्ष या पदावर नव्हते. मात्र, आता चौकशीत अध्यक्ष दोषी आढळल्यास कलम ३१७ प्रमाणे त्यांच्यावर कारवाईसाठी राष्ट्रपतींकडे शिफारस केली जाईल, अशी शक्यता त्यांनी वर्तवली.

दिल्लीत सुरू असलेल्या राहुल गांधींच्या आंदोलनावरही मुख्यमंत्री फडणवीसांनी भाष्य केले. भारतातील सर्व लोकशाही संस्था संपवण्याचा टोकाचा प्रयत्न होत असल्याचा आरोप त्यांनी केला. भारताच्या संविधानाने तयार केलेल्या सर्व संस्था कुचकामी आहेत आणि संविधान न्याय देऊ शकत नाही, हे रुजवण्याचा प्रयत्न सुरू असल्याचे ते म्हणाले. तसेच, मुंबई पोलीस व्यावसायिक पद्धतीने काम करत असून ते कोणावरही चुकीची कारवाई करत नाहीत, असा दावाही त्यांनी केला.

राज्यातील दुष्काळी परिस्थितीवर चर्चा झाली असून, पिण्याच्या पाण्याला प्राधान्य देण्याचे ठरले आहे. २३ हजार गावांचा दुष्काळ संदर्भातील सर्व्हे पूर्ण झाला आहे. या परिस्थितीच्या पाहणीसाठी ११ तारखेला केंद्राकडून एक समिती येणार आहे. दुष्काळ निवारणासाठी केंद्राकडून लवकरात लवकर निधी मिळवण्याचा राज्य सरकारचा प्रयत्न असल्याचे फडणवीस म्हणाले.

📌 महत्वाच्या बातम्या

MHD News

सत्य, निष्पक्षता आणि नव्या दृष्टिकोनाची कास धरत, 'महाराष्ट्र देशा' प्रत्येक घटनेचं प्रामाणिक रिपोर्टिंग करत आले आहे. अचूक आणि वेगवान बातम्या लोकांपर्यंत पोहोचवणे हे आमचे ध्येय आहे.

🕘 संबंधित बातम्या

Maharashtra Desha App Logo

महाराष्ट्र देशा App डाउनलोड करा

ताज्या बातम्या सर्वात आधी — Notifications सकट!

★★★★★ 4.8 (12K+ reviews)
🔔 Breaking Alerts 📖 Offline वाचा 🎙️ Audio News 📺 Live TV

FREE पूर्णपणे मोफत — कोणतेही Subscription नाही