छत्रपती संभाजीनगर- न्याय मंदिरात न्याय मिळतो, पण तिथलं अन्न खरोखरच सुरक्षित आहे का? हजारो लोकांच्या आरोग्याचा हा गंभीर प्रश्न आता थेट ऐरणीवर आला आहे. छत्रपती संभाजीनगरच्या जिल्हा व सत्र न्यायालय परिसरातील उपहारगृहे आता अन्न व औषध प्रशासनाच्या (FDA) रडारवर येण्याची शक्यता आहे. उच्च न्यायालयाचे वकील ॲड. ईश्वर नरोडे यांनी FDA कडे थेट कायदेशीर तक्रार दाखल केली असून, तातडीने ‘सरप्राईज चेकिंग’ करण्याची मोठी मागणी केली आहे.
Sambhajinagar Court Canteen: कॅन्टीनच्या स्वच्छतेवर प्रश्नचिन्ह?
न्यायालय परिसरात दररोज न्यायाधीश, वकील, पोलीस आणि हजारो सामान्य नागरिक येत असतात. या सर्वांच्या आरोग्याशी खेळ होऊ नये, यासाठी इथल्या सर्व कॅन्टीन, फूड स्टॉल्स आणि कॅफेटेरियांची कसून तपासणी व्हावी, असा आग्रह ॲड. नरोडे यांनी धरला आहे.
त्यांनी एफडीए अधिकाऱ्यांना पाठवलेल्या ई-मेलमध्ये अन्न सुरक्षा कायदा २००६ चा संदर्भ देत अनेक गंभीर मागण्या केल्या आहेत. संबंधित विक्रेत्यांकडे वैध FSSAI परवाना आहे का? पिण्याचे पाणी, वापरलेले खाद्यतेल, मसाले आणि किचनची स्वच्छता नेमकी कशी आहे? याची तातडीने तपासणी व्हावी. एवढंच नाही, तर नियमांचे उल्लंघन आढळल्यास कठोर कायदेशीर कारवाई करून त्याचा कृती अहवाल (ATR) द्यावा, अशी स्पष्ट मागणी नरोडे यांनी केली आहे.
आता या लेखी तक्रारीनंतर FDA अधिकारी न्यायालयीन परिसरातील या कॅन्टीनवर खरंच कारवाईचा बडगा उगारणार का? याकडे सर्वांचे लक्ष लागले आहे. याबाबत अधिक माहिती हाती आल्यावर बातमी अपडेट केली जाईल.
📌 महत्वाच्या बातम्या
- साखरेच्या दरवाढीवर मोदी सरकार ॲक्शन मोडमध्ये; साठेबाजी रोखण्यासाठी नवा नियम
- ‘8.7 कोटी तरुण ना शिक्षणात, ना नोकरीत’; मोदी सरकारवर खर्गेंचा हल्लाबोल
- ‘महिला आरक्षण 2034 पर्यंत ढकलण्याचा प्रयत्न’; फडणवीसांचा विरोधकांवर हल्लाबोल
बातम्यांसाठी YouTube चॅनेल Subscribe करा
Subscribe Now
