जंतर-मंतर आंदोलनाचा ‘सीझन २’ लवकरच…; अभिजीत दिपकेंची मोठी घोषणा

Abhijit Dipke : केंद्रीय गृहमंत्री अमित शाह (Amit Shah) यांनी जंतरमंतरवरील आंदोलनात सहभागी झालेल्या विद्यार्थ्यांवर लाठीचार्जबाबत संसदेत चर्चा करावी. अमित शाह संसदेतून पळ काढत आहे, असा आरोप ‘कॉकरोच जनता पार्टी’चे (CJP) संस्थापक अभिजीत दिपके (Abhijit Dipke) यांनी केला आहे.

दिपके यांनी दिल्लीतील जंतरमंतर मैदानावर होणाऱ्या आंदोलनाचे ‘सीझन २’ लवकरच सुरू होईल, अशी महत्त्वाची घोषणाही केली. इन्स्टाग्रामवर चाहते आणि समर्थकांच्या प्रश्नांना उत्तरे देताना त्यांनी ही माहिती दिली.

जंतरमंतरवरील विद्यार्थी आंदोलनामुळे यापूर्वी धर्मेंद्र प्रधान यांना शिक्षणमंत्रीपदाचा राजीनामा द्यावा लागला होता. आता CJP चे संस्थापक अभिजीत दिपके यांनी ‘जंतरमंतर सीझन २’ लवकरच येत असल्याची मोठी घोषणा केली आहे.

Abhijit Dipke announce Jantar Mantar Season 2

अनेक लोक इन्स्टाग्राम कमेंट्समध्ये ‘सीझन २’ कधी येणार असे विचारत होते आणि त्यांना या प्लॅटफॉर्मद्वारे हे लवकरच होणार असल्याचे सांगायचे होते, असे दिपके यांनी नमूद केले.

नीट (NEET) परीक्षेची प्रश्नपत्रिका फुटल्यानंतर, दिल्लीतील जंतरमंतरसह देशाच्या विविध भागांत विद्यार्थ्यांनी निदर्शने केली होती. CJP चे अभिजीत दिपके यांच्या नेतृत्वाखाली जंतरमंतरवरील आंदोलनात विद्यार्थ्यांसोबत पालकही सहभागी झाले होते.

संसदेवर मोर्चाही काढण्यात आला होता. त्यावेळी दिल्ली पोलिसांनी आंदोलकांवर लाठीचार्ज केला. परिणामी, आंदोलक अधिक आक्रमक झाले आणि आंदोलनाची तीव्रता वाढली. अखेरीस, धर्मेंद्र प्रधान यांना शिक्षणमंत्रीपदाचा राजीनामा द्यावा लागला.

झारखंडमधील विद्यार्थी आंदोलनाबाबत दिपके काय म्हणाले?

याआधी, मंगळवारी अभिजीत दिपके यांनी झारखंडमध्ये आंदोलन करणाऱ्या विद्यार्थ्यांवर झालेल्या लाठीचार्जच्या घटनेचा निषेध केला होता. विद्यार्थी आपल्या हक्कांसाठी लढा देत आहेत, ‘व्होट-बँक’च्या राजकारणासाठी नाही, असे त्यांनी ठामपणे सांगितले.

राजकीय पक्षांच्या कार्यकर्त्यांवर कारवाई होत नाही, पण केवळ आंदोलन करणाऱ्या विद्यार्थी आणि तरुणांवरच पोलिसांची कारवाई का होते?, असा प्रश्न दिपके यांनी उपस्थित केला.

📌 महत्वाच्या बातम्या

• बटर चिकन’मध्ये खरंच बटर होतं का? फेमस ‘हॉटेल अमरप्रीत’वर FDA चा छापा; जागेवरच लायसन्स रद्द
• संदीपान भुमरेंचे अमित शाहांना साकडे; छत्रपती संभाजीनगर विमानतळावरून आंतरराष्ट्रीय उड्डाणे सुरू करा
• मराठी बोलता आलं नाही तर लायसन्स रद्द होणार! प्रताप सरनाईक यांची माहिती

📈 लोकप्रिय बातम्या

शिवसेना चिन्ह लढाईत नवा ट्विस्ट; सुप्रीम कोर्टाच्या टिप्पणीने राजकीय चर्चांना उधाण

तुकाराम मुंढेंचा आवडता मुख्यमंत्री कोण? फडणवीस, शिंदे की ठाकरे; उत्तराने सगळेच चक्रावले

‘आमदार पाडूनच दाखवा!’; मनोज जरांगेंच्या इशाऱ्याला प्रवीण दरेकरांचं खुलं आव्हान, राजकारण तापलं!