Marathi Language Rule : वाहनचालकांनो तुम्हाला मराठी भाषा (Marathi Language) बोलता येतं का? मराठी बोलता येत नसेल तर ही बातमी तुमच्यासाठी महत्त्वाची आहे. कॅब (Cab) किंवा ऑटो (Auto) चालवताना प्रवाशांशी मराठीत बोलता येणं बंधनकारक आहे. जर तुम्हाला मराठी बोलता येत नसेल तर तुमचे लायसन्स रद्द केले जाऊ शकते.
ज्या वाहन चालकांना मराठीचे व्यावहारिक ज्ञान नाही, त्यांचे लायसन्स निलंबित किंवा रद्द करण्याची तरतूद करण्यात आली आहे. यासंदर्भातील सरकारी आदेश आज जारी केला जाणार असल्याची घोषणा परिवहन मंत्री प्रताप सरनाईक (Pratap Sarnaik) यांनी केली.
Marathi Language rule for taxi and auto drivers
परिवहन मंत्री प्रताप सरनाईक यांच्या माहितीनुसार, ‘महाराष्ट्र मोटार वाहन नियम, १९८९’ मध्ये सुधारणा करून ‘अँटीसीडेंट्स’ (antecedents) या शब्दानंतर “आणि मराठी भाषेचे व्यावहारिक ज्ञान” (working knowledge of Marathi language) ही अट समाविष्ट करण्यात आली आहे. परिणामी, वाहन चालवण्याच्या अधिकृत लायसन्ससाठी अर्ज करताना मराठीचे व्यावहारिक ज्ञान असणे अनिवार्य असेल.
नवीन नियमांनुसार, जर एखाद्या चालकाकडे मराठीचे आवश्यक ज्ञान नसेल तर त्यांना सुरुवातीला एक महिन्याची मुदत दिली जाईल. या काळात त्यांच्या मराठी भाषेच्या ज्ञानात सुधारणा न झाल्यास, त्यांचे लायसन्स तीन महिन्यांसाठी निलंबित केले जाऊ शकते. त्यानंतरही नियमांचे पालन न केल्यास परवाना कायमस्वरूपी रद्द केला जाऊ शकतो.
मंत्री सरनाईक यांनी नमूद केले की, “व्यावसायिक वाहनांच्या चालकांसाठी मराठी भाषेचे ज्ञान असण्याची अट नियमावलीत आधीपासूनच होती, परंतु तिची प्रभावीपणे अंमलबजावणी झाली नव्हती.”
विशेषतः स्थानिक प्रवाशांची ने-आण करताना भाषेचा अडथळा येऊ नये आणि प्रवाशांशी सुरळीत व प्रभावी संवाद साधता यावा, यासाठी या अटीचे महत्त्व त्यांनी अधोरेखित केले.
परिवहन विभागाने यासंदर्भातील प्रस्ताव विधी व न्याय विभागाकडे सादर केला होता. त्याला मंजुरी मिळाल्यानंतर आता या निर्णयाची कायदेशीर अंमलबजावणी केली जाणार आहे.
📌 महत्वाच्या बातम्या
- “अमित शाह यांच्यात धाडस नाही”; राहुल गांधींचा हल्लाबोल
- Ghatkopar Landslide दुर्घटनेत लहान मुलांसह ६ जणांचा मृत्यू; बचावकार्य युद्धपातळीवर सुरू
- “३ वाजेपासून चर्चा करा, मी उपस्थित राहीन”; विरोधकांच्या गदारोळावर अमित शाहांचा पलटवार
बातम्यांसाठी YouTube चॅनेल Subscribe करा
Subscribe Now
