🕒 1 min read
India’s First Hydrogen Train: भारतीय रेल्वेच्या (Indian Railway) इतिहासात हा दिवस सुवर्ण अक्षरांनी कोरला गेला आहे. पंतप्रधान नरेंद्र मोदी (PM Narendra Modi) यांनी हरियाणातील जिंद रेल्वे स्थानकावरून देशातील पहिल्या ‘हायड्रोजन-पॉवर्ड’ (Hydrogen Train) (हायड्रोजनवर चालणाऱ्या) ट्रेनला हिरवा झेंडा दाखवला.
रेल्वे मंत्रालयाने (Railway Minister) आपल्या अधिकृत ‘X’ (ट्विटर) खात्यावर या ट्रेनचा एक आकर्षक व्हिडिओ शेअर केला आहे, जो सध्या सोशल मीडियावर मोठ्या प्रमाणात व्हायरल होत आहे. हा व्हिडिओ पाहताना प्रत्येक भारतीयाचे मन अभिमानाने भरून येते.
ही ट्रेन पारंपरिक डिझेल (Diesel) किंवा इलेक्ट्रिक इंजिनपेक्षा (Electronic Engine) पूर्णपणे वेगळी आहे. या ट्रेनच्या छतावर विशेष ‘हायड्रोजन फ्युएल सेल्स’ (Hydrogen Fuel Cells) बसवण्यात आले आहेत. हे सेल्स हवेतील ऑक्सिजन (Oxygen) आणि हायड्रोजन (Hydrogen) यांच्या संयोगातून वीज निर्माण करतात आणि ट्रेन याच ऊर्जेवर धावते. सर्वात कौतुकास्पद बाब म्हणजे ही ट्रेन धावताना कोणताही विषारी धूर उत्सर्जित करत नाही. त्याऐवजी, यातून केवळ पाण्याचे थेंब आणि वाफ बाहेर पडते, ज्यामुळे ती पर्यावरणासाठी पूर्णपणे सुरक्षित ठरते.
पर्यावरणपूरक आणि आधुनिक प्रवास
सुरुवातीच्या टप्प्यात, ही ट्रेन हरियाणातील जिंद आणि सोनीपत दरम्यानच्या ९० किलोमीटरच्या मार्गावर धावेल. ‘नॅशनल ग्रीन हायड्रोजन मिशन’ अंतर्गत विकसित केलेली ही ट्रेन ताशी १४० किलोमीटरचा वेग गाठण्यास सक्षम आहे. प्रवाशांची सुरक्षा आणि सोय लक्षात घेऊन, पूर्णपणे वातानुकूलित (AC) असलेल्या या ट्रेनमध्ये अत्याधुनिक सुरक्षा यंत्रणा, सीसीटीव्ही कॅमेरे आणि स्वयंचलित दरवाजे बसवण्यात आले आहेत.
या ऐतिहासिक उद्घाटनासह, जर्मनी आणि चीननंतर हायड्रोजन ट्रेन सुरू करणारा भारत हा जगातील तिसरा आणि आशियातील दुसरा देश बनला आहे. ही ट्रेन केवळ वाहतुकीचे साधन नसून, भारताच्या आत्मनिर्भरतेचे आणि ‘शून्य कार्बन उत्सर्जन’ (झिरो कार्बन एमिशन) करण्याच्या कटिबद्धतेचे एक जिवंत प्रतीक आहे. भारतीय रेल्वेची योजना आहे की, नजीकच्या काळात देशभरातील विविध पर्यटन आणि डोंगराळ मार्गांवर अशा आणखी ३५ हायड्रोजन ट्रेन्स चालवल्या जाव्यात.
📌 महत्वाच्या बातम्या
- राष्ट्रवादीचे दोन्ही गट पुन्हा एकत्र येणार? ‘या’ बड्या नेत्याचा मोठा दावा
- ‘3 Idiots’ आणि सोनम वांगचुक यांचा काही संबंध नाही; आमीर खानचे स्पष्ट वक्तव्य
- ड्रायव्हिंग लायसन्स काढणार? मग ‘हे’ प्रमाणपत्र होणार बंधनकारक!
बातम्यांसाठी YouTube चॅनेल Subscribe करा
Subscribe Now
