पुणे – पवार कुटुंबात सध्या लागोपाठ सनई-चौघडे वाजणार आहेत, काही दिवसांपूर्वीच सुप्रिया सुळे यांच्या कन्येचा विवाह पार पडल्यानंतर आता घरात आणखी एक गोड बातमी आली आहे.
उपमुख्यमंत्री अजित पवार यांचे सुपुत्र पार्थ पवार लवकरच विवाहबंधनात अडकणार असून त्यांच्या साखरपुड्याची तारीख आता समोर आली आहे. कायनात धार हिच्यासोबत पार्थ पवार यांची नवी इनिंग सुरू होणार आहे.
Parth Pawar Engagement Date
आमदार रोहित पवार यांनी सोशल मीडियावर पार्थ पवार यांच्या साखरपुड्याची पत्रिका शेअर करत या वृत्ताला दुजोरा दिला आहे. रोहित पवारांनी पोस्ट केलेल्या या पत्रिकेनुसार, येत्या २९ जुलै रोजी हा साखरपुडा पार पडणार आहे. “माझे प्रिय बंधू पार्थ आणि कायनात या दोघांना साखरपुड्याच्या मनापासून शुभेच्छा, तुमचा पुढील प्रवास आनंदाचा होवो,” अशा शब्दांत रोहित पवारांनी आपल्या भावना व्यक्त केल्या आहेत.
दुसरीकडे, कायनात धार हिचे पवार कुटुंबाशी गेल्या काही काळापासून अत्यंत जवळचे संबंध असल्याचे पाहायला मिळाले आहे. नुकत्याच झालेल्या रेवती सुळे यांच्या विवाह सोहळ्यात कायनात हिने सुनेत्रा पवार यांच्यासोबत हजेरी लावली होती, तेव्हापासूनच या चर्चांना उधाण आले होते.
काही महिन्यांपूर्वी पार्थ आणि कायनात यांनी मध्य प्रदेशातील प्रसिद्ध महाकाल मंदिरात जाऊन एकत्र दर्शन घेतले होते, त्याचे फोटोही सोशल मीडियावर तुफान व्हायरल झाले होते. या नव्या बातमीमुळे आता राजकीय आणि सामाजिक वर्तुळातून या जोडप्यावर शुभेच्छांचा वर्षाव होत आहे.
📌 महत्वाच्या बातम्या
- रिलायन्स जिओचा बाजारात मोठा धमाका, रिचार्जवर मिळणार 20 GB पर्यंत फ्री डेटा; कोणते आहेत प्लॅन्स?
- लाडकी बहीण योजनेच्या बँक खात्यात जूनचे पैसे कधी येणार? एक मोठी अपडेट समोर
- विनायक राऊतांच्या अडचणीत मोठी वाढ, सुनेनेच केले खळबळजनक आरोप; डोक्याचे केस कापले अन्…
