देवेंद्र फडणवीस यांचा मोठा निर्णय; लाडकी बहीण योजनेचे पैसे ‘यांच्या’ खिशातून वसूल करणार!

🕒 1 min read

मुंबई – महिलांसाठी सुरू झालेल्या मुख्यमंत्री माझी लाडकी बहीण योजनेचे पैसे चक्क पुरुषांनी लाटले आहे. या योजनेचा लाभ घेणारे चक्क १४ हजार पुरुष आढळून आले आहेत. फसवणूक करून महिलांच्या हक्काचे पैसे लाटणाऱ्या या पुरुषांना सरकार अजिबात सोडणार नसून, त्यांच्याकडून घेतलेला सर्व पैसा कडकपणे वसूल करणार असल्याचा थेट इशारा मुख्यमंत्री देवेंद्र फडणवीस यांनी दिला आहे.

दुसरीकडे, या योजनेतून तब्बल ८० लाख महिला अपात्र ठरल्याचे समोर आल्यानंतर राजकीय वर्तुळात अचानक राजकारण तापलं आहे. विरोधकांनी महायुती सरकारवर जोरदार हल्लाबोल सुरू केला असतानाच, फडणवीस यांनी थेट पत्रकार परिषद घेत यावर स्पष्ट भूमिका मांडली.

Devendra Fadnavis on Ladki Bahin Yojana

फडणवीस यांनी सांगितलं की, जेव्हा सरकारी तिजोरीतून एवढा मोठा पैसा खर्च होतो तेव्हा त्याचं सीएजी ऑडिट करणं कायद्यानुसार बंधनकारक असतं. अपात्र ठरलेल्या खऱ्या महिला भगिनींकडून मात्र कोणताही पैसा सरकार परत घेणार नाही, अशी स्पष्ट ग्वाही त्यांनी दिली. केवळ शासकीय निकषांची पूर्तता न झाल्यामुळेच आणि अर्जातील त्रुटींमुळे या महिलांचे १५०० रुपये सध्या बंद झाले आहेत. सरकारी कर्मचाऱ्यांच्या कुटुंबांनीही यात अर्ज केल्याचे समोर आले आहे.

या डिजिटल तपासणीत सुमारे ४ ते ५ लाख लाभार्थी असे निघाले ज्यांच्या घरात स्वतःची चारचाकी गाडी आहे. तसेच अनेकांचे वार्षिक कौटुंबिक उत्पन्न अडीच लाख रुपयांपेक्षा जास्त असल्याचंही स्पष्ट झालं आहे.

अनेकांचे अर्ज बाद झाल्याने ही अपात्र ठरलेल्यांची संख्या ८० लाखांवर पोहोचली आहे. ही केवळ तांत्रिक त्रुटी असून निकषात बसणाऱ्या महिलांनी घाबरण्याची गरज नाही. दुसरीकडे, सर्व शासकीय निकष पूर्ण करणाऱ्या सुमारे १ कोटी ७० लाख महिलांना मात्र नियमितपणे पैसे मिळत राहतील.

ज्या खऱ्या आणि पात्र भगिनी काही तांत्रिक कारणांमुळे किंवा केवायसी न झाल्यामुळे योजनेपासून दूर राहिल्या आहेत, त्यांच्यासाठी सरकार पुन्हा एकदा नवीन विंडो ओपन करणार आहे. त्यामुळे पात्र महिलांनी अजिबात काळजी करण्याची गरज नाही, असं आवाहन मुख्यमंत्र्यांनी केलं आहे.

📌 महत्वाच्या बातम्या

• देवेंद्र फडणवीसांची कर्जमाफीवर मोठी घोषणा, पण अधिकृत घोषणेसाठी बळीराजाला वाट का पाहावी लागणार?
• रोहित पवारांचा शिंदे गट आणि अजितदादांच्या राष्ट्रवादीवर जोरदार हल्लाबोल! ‘दात नसलेले वाघ’ म्हणत उडवली खिल्ली
• सत्तार अन् दानवेंची ‘ती’ इच्छा, राऊतांचा थेट सवाल; खरोखरच दोन्ही शिवसेना पुन्हा एकत्र येणार का?

📈 लोकप्रिय बातम्या

राज्य निवडणूक आयोगाचा मोठा निर्णय; राज्यातील १५,६३६ ग्रामपंचायतींमध्ये राजकीय भूकंप होणार?

अंकिता लोखंडेने शेअर केले मशिदीतले फोटो, गोसेवा केल्यानंतर थेट हिजाब घातल्याने नेटकरी संतापले!

छगन भुजबळांचा मोठा गौप्यस्फोट, राष्ट्रवादीच्या बैठकीत स्वबळाचा नारा अन् धक्कादायक माहिती!