क्रिकेटच्या मैदानात आणि बाहेर राजकारण कधी तापेल सांगता येत नाही, याचाच प्रत्यय आता पुन्हा एकदा आलाय. आयपीएल २०२६ (IPL 2026) मध्ये लखनौ सुपर जायंट्सचा कर्णधार Rishabh Pant सध्या भलत्याच चक्रव्यूहात अडकला आहे.
राजस्थान रॉयल्सविरुद्धच्या सामन्यात २२० धावांचा डोंगर उभारूनही लखनौला पराभवाचा सामना करावा लागला. सलग पराभवांमुळे पंत आधीच संतापात असताना, आता बीसीसीआयने त्याला आणखी एक मोठा झटका दिलाय.
Rishabh Pant News
अफगाणिस्तानविरुद्धच्या आगामी मालिकेसाठी टीम इंडियाची घोषणा झाली असून पंतला वनडे संघातून डच्चू मिळाला आहे. सर्वात मोठा धक्का म्हणजे, वर्षभरापूर्वी दिलेले त्याचे कसोटी उपकर्णधारपदही काढून आता केएल राहुलकडे सोपवण्यात आले आहे. पण या सगळ्या नाट्यात खरी खळबळ उडाली ती सोशल मीडियावरील एका खळबळजनक दाव्यामुळे.
पंतला उपकर्णधारपदावरून हटवण्यामागे चक्क शुबमन गिलचा (Shubman Gill) हात असल्याचा मोठा दावा एका इन्स्टाग्राम व्हिडिओत करण्यात आला आहे. सोशल मीडियावर रोज अनेक अफवा पसरतात, त्यामुळे अशा दाव्यांना सहसा महत्त्व दिले जात नाही.
मात्र, या व्हिडिओला चक्क पंतची बहीण साक्षीने लाईक केल्याने या प्रकरणात मोठा ट्विस्ट आला आहे. या दाव्याबाबत अद्याप कोणतीही अधिकृत पुष्टी नाही, पण साक्षीच्या या कृतीने भारतीय ड्रेसिंग रूममध्ये काहीतरी शिजतंय का, असा प्रश्न चाहत्यांना पडला आहे.
दक्षिण आफ्रिकेविरुद्धच्या कसोटी मालिकेत पंतची कामगिरी अतिशय सुमार होती. वर्ल्ड टेस्ट चॅम्पियनशिपच्या दृष्टीने अत्यंत महत्त्वाच्या असलेल्या या मालिकेत त्याने दोन सामन्यांत केवळ १२.२ च्या सरासरीने ४९ धावा केल्या होत्या. याच अपयशामुळे त्याचे पद गेल्याचे सूत्रांचे म्हणणे आहे. पण आता बहिणीच्या ‘त्या’ एका कृतीने या वादात आगीत तेल ओतण्याचे काम केले आहे.
📌 महत्वाच्या बातम्या
- थलापती विजयच्या कोस्टाराने स्वीकारला इस्लाम! ‘त्या’ एका प्रसंगामुळे बदलला धर्म, आता नावही बदलणार…
- कान्समध्ये असेल प्राजक्ता माळीचा जलवा; पण इकडे तर हवा मात्र गिरीजा ओकचीच
- दुधात मनुके भिजवून खाण्याची सवय? शरीरात होतील ‘हे’ ५ मोठे बदल; फायदे ऐकून थक्क व्हाल!
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
