Axar Patel: २५६ धावांचा अवाढव्य पाठलाग करताना न्यूझीलंडची अवस्था इतकी भयानक होईल, याचा कुणी स्वप्नातही विचार केला नसेल! अहमदाबादच्या नरेंद्र मोदी स्टेडियमवर आता खऱ्या अर्थाने टीम इंडियाच्या गोलंदाजांनी आग ओकायला सुरुवात केली आहे.
जसप्रीत बुमराहने रचिन रवींद्रला बाद करून किवींना बॅकफूटवर ढकलले होतेच, पण आता फिरकीपटू अक्षर पटेलने न्यूझीलंडची अक्षरशः कंबर मोडली आहे.
अक्षरने आपल्या दुसऱ्या षटकात अतिशय धोकादायक मानल्या जाणाऱ्या ग्लेन फिलिप्सला थेट त्रिफळाचीत (Bowled) करत तंबूत धाडले आहे. दडपणाखाली खेळणाऱ्या फिलिप्सला अवघ्या ५ धावा करता आल्या.
दुसऱ्या डावात दव पडेल या आशेवर असलेल्या न्यूझीलंडचे टॉप ऑर्डरचे ३ फलंदाज आता ५ षटकांच्या आतच बाद झाले आहेत. ४.५ षटकांनंतर न्यूझीलंडची धावसंख्या ३ बाद ४७ अशी अत्यंत बिकट झाली आहे.
कॅप्टन सूर्यकुमार यादवचा अक्षर पटेलला सुरुवातीलाच गोलंदाजी देण्याचा प्लॅन १०० टक्के यशस्वी ठरला आहे. अक्षरने आतापर्यंत १.५ षटकांत फक्त १८ धावा देऊन फिन ऍलन आणि ग्लेन फिलिप्स असे २ अतिशय महत्त्वाचे बळी घेतले आहेत.
आता किवी संघाला विश्वचषक जिंकण्यासाठी ९१ चेंडूंत तब्बल २०९ धावांची गरज असून, त्यांचा आवश्यक रनरेट थेट १३.८ वर पोहोचला आहे. सलामीवीर टिम सिफर्ट एकाकी झुंज देत १५ चेंडूंत ३१ धावांवर खेळत आहे.
आता या महाकाय दबावाखाली बुमराह आणि टीम इंडियाचे गोलंदाज न्यूझीलंडला १०० धावांच्या आतच गुंडाळून इतिहास रचतात का? हे पाहणे अक्षरशः थरारक ठरणार आहे.
📌 महत्वाच्या बातम्या
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
