शिवसेना सुनावणी: ॲड. ध्रुव मेहतांचा युक्तिवाद; योगेश कदम ते दादा भुसेंच्या सह्यांचा उल्लेख

शिवसेना सुनावणीत शिंदे गटाचे वकील ॲड. ध्रुव मेहता यांनी व्हॉट्सॲप मेसेज, बैठकीची वेळ आणि पाच आमदारांच्या अपात्रतेवरून महत्त्वपूर्ण युक्तिवाद सादर केले.

Published On: 

Adv Dhruv Mehta arguing in Shivsena hearing regarding MLA disqualification

प्रतिनिधी, 17 नोव्हेंबर: शिवसेना पक्ष आणि चिन्हाबाबत सुरू असलेल्या सुनावणीत शिंदे गटाचे वकील ॲड. ध्रुव मेहता यांनी ठाकरे गटाच्या दाव्यांवर महत्त्वाचे युक्तिवाद केले आहेत. ठाकरे गटाकडे पुराव्यासाठी केवळ एका व्हॉट्सॲप मेसेजचा स्क्रीनशॉट असल्याचे त्यांनी सुनावणीदरम्यान स्पष्ट केले. तसेच, बैठकीनंतर कागदपत्रांवर सह्या करूनही दादा भुसे आणि लांडे यांच्यासह अनेक आमदारांवर अपात्रतेची याचिका दाखल करण्यात आल्याचे त्यांनी निदर्शनास आणले.

मेहता यांनी २१ जून रोजी सुनील प्रभू यांनी बोलावलेल्या बैठकीतील त्रुटींवर बोट ठेवले. या बैठकीचा कोणताही निश्चित अजेंडा दिलेला नव्हता, केवळ उपस्थित राहण्याचे आवाहन करण्यात आले होते. विशेष म्हणजे, ही बैठक दुपारी १२ वाजून ३० मिनिटांनी नियोजित असताना, एकनाथ शिंदे यांना या बैठकीचा व्हॉट्सॲप मेसेज १२ वाजून ३१ मिनिटांनी मिळाल्याचे मेहता यांनी स्पष्ट केले. सुनील प्रभू यांनी जारी केलेल्या व्हिपमध्ये स्पष्टता नसल्यामुळे ‘किहोतो’ निकालाचे उल्लंघन झाल्याचा युक्तिवादही त्यांनी केला.

आमदारांच्या अपात्रतेच्या मुद्द्यावर बोलताना ॲड. मेहता यांनी पाच नावांचा विशेष उल्लेख केला. योगेश कदम, उदय सामंत, दीपक केसरकर, दादा भुसे आणि लांडे या आमदारांनी बैठकीनंतर संबंधित कागदपत्रांवर स्वाक्षऱ्या केल्या होत्या. असे असतानाही त्यांच्याविरोधात अपात्रतेची याचिका दाखल करण्यात आल्याकडे त्यांनी लक्ष वेधले. यासोबतच, आमदार कुणाच्या तरी संपर्कात असल्याचा आरोप करण्यात आल्याचा मुद्दाही मेहतांनी सुनावणीत मांडला.

📌 महत्वाच्या बातम्या

MHD News

सत्य, निष्पक्षता आणि नव्या दृष्टिकोनाची कास धरत, 'महाराष्ट्र देशा' प्रत्येक घटनेचं प्रामाणिक रिपोर्टिंग करत आले आहे. अचूक आणि वेगवान बातम्या लोकांपर्यंत पोहोचवणे हे आमचे ध्येय आहे.

🕘 संबंधित बातम्या

Maharashtra Desha App Logo

महाराष्ट्र देशा App डाउनलोड करा

ताज्या बातम्या सर्वात आधी — Notifications सकट!

★★★★★ 4.8 (12K+ reviews)
🔔 Breaking Alerts 📖 Offline वाचा 🎙️ Audio News 📺 Live TV

FREE पूर्णपणे मोफत — कोणतेही Subscription नाही