E20 इंधनावर नितीन गडकरींचे मोठे विधान; ‘१०० टक्के पेट्रोल हवे असेल तर जास्त पैसे मोजा’

🕒 1 min read

मुंबई : केंद्रीय मंत्री नितीन गडकरी (Nitin Gadkari) यांनी १०० टक्के इथेनॉलच्या वापराला हिरवा कंदील दाखवला आणि केंद्र सरकारने त्याबाबत एक महत्त्वपूर्ण निर्देश जारी केला. पेट्रोल (Petrol) आणि डिझेलसाठी (Diesel) भारत खाडी देशांवर अवलंबून आहे आणि इराण व अमेरिका यांच्यातील संघर्षामुळे कच्च्या तेलाच्या पुरवठ्याबाबत गंभीर समस्या निर्माण झाल्या आहेत.

परिणामी, सरकारने इथेनॉलच्या (Ethenol) वापराबाबत मोठे निर्णय घेतले. मात्र, नितीन गडकरी यांच्या इथेनॉलच्या (E20 Fuel) आग्रहाला काही विरोधकांकडून (Opposition Party) तीव्र विरोध झाला. विशेषतः उद्धव ठाकरे (Uddhav Thackeray) आणि राज ठाकरे (Raj Thackeray) या दोघांनीही या मुद्द्यावरून त्यांच्यावर जोरदार टीका केली. पेट्रोल आणि डिझेलसाठी भारताला करावा लागणारा वार्षिक खर्च किती आहे, याची विशिष्ट आकडेवारीही त्यांनी जाहीर केली. जागतिक बाजारपेठेत वाढणाऱ्या कच्च्या तेलाच्या किमतींचा संदर्भ देत गडकरी यांनी सांगितले की, केंद्र सरकारच इथेनॉलचे दर निश्चित करेल.

या पार्श्वभूमीवर, नितीन गडकरी यांनी इथेनॉलला विरोध करणाऱ्यांवर कडक शब्दांत ताशेरे ओढले. त्यांनी स्पष्ट केले की, लोकांची इच्छा असल्यास ते १०० टक्के पेट्रोल भरू शकतात, मात्र त्यासाठी त्यांना अधिक किंमत मोजावी लागेल. ‘द टाइम्स ऑफ इंडिया’शी बोलताना गडकरी यांनी नमूद केले की, २० टक्के इथेनॉल मिश्रणाचे (ब्लेंडिंग) उद्दिष्ट यशस्वीपणे साध्य करण्यात आले आहे.

आता देशभरात E20 इंधन उपलब्ध आहे. जर लोकांना इथेनॉल-मिश्रित पेट्रोल नको असेल, तर ते १०० टक्के पेट्रोल भरू शकतात, पण त्यासाठी त्यांना जास्त किंमत मोजावी लागेल. E20 इंधनावर चालणाऱ्या वाहनांमध्ये कोणतीही समस्या येत नसल्याचा अहवाल आयआयटी (IIT) कानपूरने दिला आहे. तसेच, E20 वापरणाऱ्या वाहनांच्या मायलेजबाबतही कोणतीही अडचण आलेली नाही.

संशोधकांनी दुजोरा दिला की, E20 वर चालणाऱ्या वाहनांना कोणत्याही प्रकारच्या समस्यांचा सामना करावा लागला नाही. गडकरी यांनी जनतेला आवाहन केले होते की E20-सुसंगत वाहनांबाबत काही समस्या आढळल्यास त्या कळवाव्यात, गडकरी यांनी सांगितले की अद्याप एकही तक्रार प्राप्त झालेली नाही. नितीन गडकरी इथेनॉलच्या वापरासाठी आग्रही आहेत.

📌 महत्वाच्या बातम्या

• ‘राज्याची बदनामी तुमच्या भ्रष्टाचारानं केली’; नाना पटोलेंची फडणवीस सरकारवर घणाघाती टीका
• डीलिमिटेशन बिलावरून महाविकास आघाडीत मोठी फूट? शरद पवारांच्या भूमिकेनंतर संजय राऊत आक्रमक
• Monsoon Update: पावसाची पुन्हा एंट्री? बंगालच्या उपसागरात नवी हवामान प्रणाली सक्रिय

📈 लोकप्रिय बातम्या

‘…तर तुम्हाला जनतेसमोर उघडे पाडू!’ सर्वोच्च न्यायालय महाराष्ट्र सरकारवर भडकलं

पावसाची विश्रांती संपणार! राज्यात पुन्हा मुसळधार; हवामान खात्याचा मोठा इशारा

पार्थ पवार अडकणार विवाहबंधनात: ‘ती’ मिस्ट्री गर्ल कोण जिच्याशी पुण्यात होणार साखरपुडा?