🕒 1 min read
मुंबई – वयाच्या ३५ व्या वर्षी बहुतांश वेगवान गोलंदाज निवृत्तीचा विचार करतात, शरीर साथ देत नाही आणि वेगही मंदावतो. पण ऑस्ट्रेलियाचा ‘तो’ वेगवान वाघ काही वेगळाच आहे! ॲशेस मालिकेत (Ashes 2025-26) इंग्लंडला ४-१ ने लोळवल्यानंतर मिशेल स्टार्कने (Mitchell Starc) निवृत्तीबाबत जे विधान केलंय, त्याने सर्वांच्याच भुवया उंचावल्या आहेत. निवृत्तीच्या चर्चांना पूर्णविराम देत त्याने आपला ‘पुढचा प्लान’ जाहीर केला आहे.
यंदाची ॲशेस मालिका मिशेल स्टार्कने अक्षरशः गाजवली. पाचही कसोटी सामने सलग खेळताना त्याने १५० हून अधिक षटके टाकली आणि ३१ विकेट्स खिशात घातल्या. १४० किमी प्रतितास वेगाने गोलंदाजी करत त्याने दोनदा ५ विकेट्सचा हॉल (Five-wicket haul) मिळवला. या दमदार कामगिरीसाठी त्याला ‘प्लेअर ऑफ द सिरीज’ (Compton–Miller Medal) पुरस्काराने गौरवण्यात आले. लोक म्हणत होते आता शरीर थकलं असेल, स्टार्क थांबेल… पण त्याने जे सांगितलं ते ऐकून इंग्लिश टीमलाही घाम फुटला असेल.
Mitchell Starc on Retirement
निवृत्तीच्या चर्चांना उडवून लावताना स्टार्कने स्पष्ट केलं की, “जोपर्यंत अंगात ‘बॅगी ग्रीन’ (Test Cap) घालण्याची ताकद आहे आणि मी संघाला जिंकून देऊ शकतो, तोपर्यंत मी थांबणार नाही.” उलट त्याने २०२७ च्या ॲशेससाठी इंग्लंडला जाण्याचे संकेतही दिले आहेत.
वयावरून होणाऱ्या टीकेला सडेतोड उत्तर देताना स्टार्क म्हणाला, “खेळाडूंना कोणतीही ‘एक्सपायरी डेट’ नसते. जोपर्यंत मी संघाच्या विजयात योगदान देतोय, तोपर्यंत वयाचा विचार करण्याची गरज नाही.” टी-२० मधून त्याने याआधीच (सप्टेंबर २०२५) निवृत्ती घेतली आहे, जेणेकरून टेस्ट आणि २०२७ च्या वनडे वर्ल्डकपवर लक्ष केंद्रित करता येईल. थोडक्यात काय, तर ‘कांगारूंचा’ हा हुकमी एक्का अजूनही मैदानात आग ओकायला सज्ज आहे.
📌 महत्वाच्या बातम्या
- निवड समितीला ‘सणसणीत’ चपराक! टीम इंडियातून डच्चू मिळताच ऋतुराजने फोडला रेकॉर्ड्सचा ‘बार’
- काँग्रेसला ‘जोर का झटका’! 11 नगरसेवकांचा अख्खा गटच भाजपात; अंबरनाथमध्ये ‘ऑपरेशन लोटस’?
- महेश मांजरेकर मुंबई सोडायला तयार? मुलाखतीत राज-उद्धवसमोरच मोठं विधान; म्हणाले, “मला लाज वाटते…”
बातम्यांसाठी YouTube चॅनेल Subscribe करा
Subscribe Now
