पेट्रोलचे दर शंभरीपार गेल्याने तुमच्या खिशाला मोठी कात्री लागतेय का? मग जरा विचार करा, जर तुम्हाला पेट्रोलपेक्षा चक्क २० रुपये स्वस्त इंधनावर चालणारी कार मिळाली तर? मारुती सुझुकीने (Maruti Suzuki WagonR) भारतीय ऑटोमोबाईल क्षेत्रात अशीच एक मोठी खळबळ उडवून दिली आहे.
मारुतीने देशातील पहिली ‘फ्लेक्स-फ्युएल’ कार अधिकृतपणे लाँच केली आहे. ‘वॅगन आर बायोफ्लेक्स’ (WagonR BioFlex) असं या नव्या मॉडेलचं नाव असून ती E85 इंधनावर म्हणजेच ८५ टक्के इथेनॉल आणि १५ टक्के पेट्रोलच्या मिश्रणावर धावणार आहे. या कारची सुरुवातीची किंमत ७.२४ लाख रुपये ठेवण्यात आली आहे.
Maruti Suzuki WagonR BioFlex
सध्या ही कार केवळ व्यावसायिक वापरासाठी, म्हणजेच टॅक्सी आणि फ्लीट सर्व्हिससाठी उपलब्ध करण्यात आली आहे. स्टँडर्ड वॅगन आरच्या तुलनेत ही ई८५ आवृत्ती सुमारे ८६ हजार रुपयांनी महाग आहे. दिसायला ही कार रेग्युलर मॉडेलसारखीच असली तरी, तिला बाजारात एक वेगळी ओळख देण्यासाठी संपूर्ण बॉडीवर ‘फ्लेक्स फ्युएल’ ग्राफिक्स आणि बॅज देण्यात आला आहे.
ही कार ८५ टक्के इथेनॉलवर सुरळीत चालावी यासाठी इंजिनमध्ये बरेच तांत्रिक बदल करण्यात आले आहेत. कंपनीने यात अपग्रेडेड फ्युएल इंजेक्टर, नवीन फ्युएल पंप आणि एक विशेष इथेनॉल सेन्सर बसवला आहे. सूत्रांनी दिलेल्या माहितीनुसार, हे सुधारित १.२ लिटर इंजिन नेहमीच्या पेट्रोल इंजिनपेक्षा किंचित जास्त पॉवर आणि टॉर्क जनरेट करतं.
कंपनीने या गाडीचं अधिकृत मायलेज अद्याप जाहीर केलेलं नाही. मॅन्युअल ट्रान्समिशन असलेली साधी वॅगन-आर २३.५६ किमी प्रति लिटर मायलेज देते. पण, इंधन चाचण्यांमधील प्राथमिक माहितीनुसार ई८५ इंधनामुळे मायलेजमध्ये सुमारे २४ टक्क्यांची घट होऊ शकते.
दुसरीकडे, दिल्लीत E85 इंधनाची विक्री अधिकृतपणे सुरू झाली असून, त्याची किंमत ८२.१२ रुपये प्रति लिटर निश्चित करण्यात आली आहे. हे ई८५ इंधन सध्याच्या रेग्युलर पेट्रोलपेक्षा तब्बल २० रुपयांनी स्वस्त आहे. त्यामुळेच, खर्चात होणारी मोठी बचत पाहता आगामी काळात या कारला व्यावसायिक सेगमेंटमधून मोठी मागणी येण्याची शक्यता आहे.
📌 महत्वाच्या बातम्या
- ‘तो म्हातारा नाही, तर…’; अरबाजपेक्षा २३ वर्षांनी लहान असलेल्या शूराचं ट्रोलर्सना सडेतोड उत्तर
- तेजस्विनी पंडितने राज ठाकरेंसाठी लिहिलेली ‘ती’ पोस्ट चर्चेत; म्हणाली, “आमच्यासाठी ती एक भावना…”
- अरबी समुद्रात मान्सूनची कोंडी; महाराष्ट्रात ‘या’ तारखेला कोसळणार धो धो पाऊस?
बातम्यांसाठी YouTube चॅनेल Subscribe करा
Subscribe Now
