“मैदानात हरलात तरी चालेल, पण इज्जत घालवू नका,” असं म्हणतात. पण कोलंबोच्या आर. प्रेमदासा स्टेडियमवर पाकिस्तानच्या नशिबात काल काही वेगळंच लिहिलं होतं. भारताने पाकिस्तानला अशा काही प्रकारे लोळवलं की, पाकिस्तान क्रिकेट बोर्डाचे (PCB) अध्यक्ष मोहसीन नक्वी (Mohsin Naqvi) यांना सामना पूर्ण पाहण्याचं धाडस ही झालं नाही. सध्या सोशल मीडियावर एक विडिओ (Video) वायरल झालाय, ज्यामध्ये नक्वी आपली गाडी घेऊन गुपचूप स्टेडियमबाहेर पडताना दिसत आहेत.
सामन्यापूर्वी बहिष्कार टाकण्याच्या धमक्या देणाऱ्या पाकिस्तानची मैदानावर मात्र पुरती फजिती झाली. भारताने विजयासाठी दिलेल्या १७७ धावांचा पाठलाग करताना पाकिस्तानची फलंदाजी पत्त्याच्या बंगल्यासारखी कोसळली. सुरुवातीच्या २ षटकांतच ३ विकेट्स गेल्यानंतर पाकिस्तानी डगआउटमध्ये सन्नाटा पसरला होता.
Mohsin Naqvi Leaves Stadium
सूत्रांनी दिलेल्या माहितीनुसार, डावाच्या १२ व्या षटकात कुलदीप यादवने जेव्हा मोहम्मद नवाजला बाद केलं, तेव्हा पाकिस्तानचा पराभव स्पष्ट दिसत होता. हा अपमान सहन न झाल्याने मोहसीन नक्वी यांनी सामना संपण्याआधीच स्टेडियममधून काढता पाय घेतला.
भारताने नाणेफेक गमावली असली तरी सामन्यावर पूर्ण वर्चस्व गाजवलं. ईशान किशनने ७७ धावांची आक्रमक खेळी करत भारताला १७६ धावांपर्यंत पोहोचवलं. उत्तरादाखल पाकिस्तानचा संघ ११५ धावांतच गुंडाळला गेला आणि भारताने ६१ धावांनी दणदणीत विजय मिळवला.
या लाजीरवाण्या पराभवामुळे पाकिस्तानची अवस्था बिकट झाली आहे. पॉइंट टेबलमध्ये ते आता चक्क अमेरिकेच्या (USA) खाली तिसऱ्या स्थानावर घसरले आहेत. अमेरिकेचा नेट रनरेट पाकिस्तानपेक्षा सरस आहे. आता नामिबियाविरुद्धचा पुढचा सामना पाकिस्तानसाठी ‘करा किंवा मरा’ (Do or Die) असा असेल. जर तिथे गडबड झाली, तर पाकिस्तानला बॅगा भरून घरी परतावं लागेल.
📌 महत्वाच्या बातम्या
- Rashmika-Vijay Wedding: नवरी नटली, कोट्यवधींना विकणार स्ट्रीमिंग राइट्स? नेटफ्लिक्सनकडून ‘इतक्या’ कोटींची ऑफर
- IND vs PAK: विजयाचा जल्लोष बाजूला, कॅप्टन सूर्या ‘त्या’ एका गोष्टीमुळे भडकला; डोळे वटारले अन्…
- सचिनच्या ट्रोलिंगवर अशोक सराफ भडकले; म्हणाले, “तरुणपणीच त्यानं…”, नेटकऱ्यांना दिलं ओपन चॅलेंज!
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
