🕒 1 min read
क्रिकेटच्या मैदानात कधी काय घडेल याचा नेम नसतो, पण जेव्हा समोर जसप्रीत बुमराहसारखा गोलंदाज असतो, तेव्हा भल्याभल्या फलंदाजांना घाम फुटतो. याचाच प्रत्यय आता पुन्हा एकदा आलाय.
येत्या रविवारी (८ मार्च) अहमदाबादच्या नरेंद्र मोदी स्टेडियमवर T20 World Cup 2026 चा महाअंतिम सामना रंगणार आहे. भारत विरुद्ध न्यूझीलंड (IND vs NZ) या हाय-व्होल्टेज सामन्याआधीच किवी गोटात बुमराहचं (Jasprit Bumrah) मोठं टेन्शन पाहायला मिळत आहे.
Jasprit Bumrah in T20 WC Final
शुक्रवारी (६ मार्च) अहमदाबादमध्ये झालेल्या पत्रकार परिषदेत न्यूझीलंडचा धडाकेबाज फलंदाज ग्लेन फिलिप्सने एक मोठं वक्तव्य केलं. “बुमराह एक जबरदस्त गोलंदाज आहे, पण तोही शेवटी एक माणूसच आहे. त्याचाही एखादा दिवस खराब असू शकतो आणि रविवारी तोच खराब दिवस असावा, अशी आमची प्रार्थना आहे,” असा मोठा खुलासा फिलिप्सने केला.
भारतीय संघाने या संपूर्ण स्पर्धेत धमाकेदार कामगिरी केली आहे आणि या यशात बुमराहचा वाटा सिंहाचा आहे. मुंबईत झालेल्या इंग्लंडविरुद्धच्या सेमीफायनलमध्ये धावांचा पाऊस पडला. तब्बल ४९९ धावांच्या त्या सामन्यातही बुमराहने ४ षटकांत फक्त ३३ धावा देत १ बळी घेतला. बुमराहच्या याच अचूक यॉर्कर आणि स्लोअर बॉलने इंग्लंडचा गेम केला होता.
याच पार्श्वभूमीवर बोलताना फिलिप्सने न्यूझीलंडची रणनीती स्पष्ट केली. इंग्लंडने डेथ ओव्हर्समध्ये बुमराहला फक्त खेळून काढण्याची आणि इतरांना टार्गेट करण्याची चूक केली. पण न्यूझीलंड तसं करणार नाही. बुमराहकडून एखादी चूक झाली तर आम्ही त्यावर नक्कीच हल्ला चढवू, असा थेट इशाराही त्याने दिला आहे. आता फायनलच्या महासंग्रामात बुमराह न्यूझीलंडला भारी पडणार की फिलिप्सची प्रार्थना कामी येणार? हे पाहणं रंजक ठरेल.
📌 महत्वाच्या बातम्या
- लाडक्या बहिणींना २१०० रुपये कधी मिळणार? एकनाथ शिंदेंनी फडणवीसांसमोरच उघड केलं रहस्य, म्हणाले…
- IND vs NZ Final: अहमदाबादमधून आली सर्वात मोठी बातमी! हवामान आणि खेळपट्टीचा १००% खरा रिपोर्ट
- IND vs NZ Final: टीम इंडियाच्या महामुकाबल्यासाठी ICC चा मोठा निर्णय! ‘हे’ दोन दिग्गज सांभाळणार मैदान
बातम्यांसाठी YouTube चॅनेल Subscribe करा
Subscribe Now
