🕒 1 min read
मैदानावरची लढाई अजून सुरू व्हायची आहे, पण त्याआधीच भारतीय टीमच्या ड्रेसिंग रूमबाहेर ‘वेगळीच’ चर्चा रंगलीय… निमित्त ठरलाय तो भारताचा स्टार ऑलराऊंडर हार्दिक पांड्या (Hardik Pandya). १५ फेब्रुवारीला भारताचा पाकिस्तानशी महामुकाबला (IND vs PAK) होणार आहे, पण त्याआधीच कोलंबोमध्ये लँड होताना हार्दिकचा एक व्हिडिओ समोर आला आणि सोशल मीडियावर एकच खळबळ उडाली.
टी-२० वर्ल्ड कप २०२६ साठी टीम इंडिया कोलंबोमध्ये दाखल झाली आहे. आर. प्रेमदासा स्टेडियमवर हा हायव्होल्टेज सामना रंगणार आहे. टीम बसमधून उतरताना किंवा एअरपोर्टवर इतर खेळाडू एकटेच किंवा टीम स्टाफसोबत दिसले. मात्र, व्हायरल व्हिडिओमध्ये हार्दिक पांड्या त्याची गर्लफ्रेंड माहिका शर्मासोबत (Mahieka Sharma) दिसून आला. हा व्हिडिओ समोर येताच नेटकऱ्यांनी बीसीसीआयला (BCCI) प्रश्न विचारायला सुरुवात केली आहे. कारण, वर्ल्ड कपसारख्या मोठ्या स्पर्धेत खेळाडूंचे लक्ष विचलित होऊ नये म्हणून बोर्डाने कडक धोरण अवलंबल्याची चर्चा होती.
Hardik Pandya Viral Video
मिळालेल्या माहितीनुसार, या वर्ल्ड कपसाठी बीसीसीआयने खेळाडूंना त्यांच्या पत्नी किंवा गर्लफ्रेंडला (WAGs) सोबत नेण्यास परवानगी नाकारली होती. सहसा ४५ दिवसांपेक्षा मोठ्या दौऱ्यात ठराविक काळानंतर (१४ दिवस) फॅमिलीला परवानगी मिळते. पण यावेळी बोर्डाने हा प्रस्ताव फेटाळल्याचं बोललं जातंय. असं असताना हार्दिकसोबत माहिकाची उपस्थिती बीसीसीआयच्या ‘पॉलिसीला कात्रजचा घाट’ घालणारी आहे का? असा सवाल आता उपस्थित होतोय.
हार्दिकने स्वतःच्या खर्चाने स्वतंत्र व्यवस्था केली असण्याची शक्यता नाकारता येत नाही, पण अधिकृत टीमसोबत गर्लफ्रेंड दिसल्याने ‘नियम फक्त इतरांनाच का?’ अशी कुजबूज क्रिकेट वर्तुळात सुरू झाली आहे. आता यावर बोर्ड काही ॲक्शन घेणार का, हे पाहणं महत्त्वाचं ठरेल.
📌 महत्वाच्या बातम्या
- भारतापेक्षा पाकिस्तानात ‘धुरंधर’ची क्रेझ; कराचीच्या बाजारात फक्त १६ रुपयांत सिनेमा लीक!
- स्मृती मानधनाच्या ‘त्या’ मित्राला हायकोर्टाने फटकारलं; पलाश मुच्छल प्रकरणात मोठा ट्विस्ट!
- सोने-चांदी खरेदीदारांना मोठा झटका; दरात विक्रमी उसळी, १० ग्रॅमचे नवे दर पाहून उडेल झोप!
बातम्यांसाठी YouTube चॅनेल Subscribe करा
Subscribe Now
