प्रतिनिधी, 20 ऑक्टोबर: सर्वोच्च न्यायालयात शिवसेना पक्ष आणि चिन्हाबाबत सुरू असलेल्या सुनावणीच्या पार्श्वभूमीवर, एकनाथ शिंदे यांचा हा शेवटचा दसरा मेळावा ठरू शकतो, असा खळबळजनक दावा ज्येष्ठ वकील असीम सरोदे यांनी केला आहे. सरोदे यांनी यासंदर्भात केलेले एक ट्विट वेगाने व्हायरल होत असून, न्यायालयाचा संभाव्य निकाल शिंदे गटाच्या राजकीय भवितव्यावर परिणाम करेल, असा अंदाज त्यांनी व्यक्त केला आहे.
सरोदे यांनी आपल्या ट्विटमध्ये म्हटले आहे की, “पक्षाचं नाव चोरून मिळवलेली ओळख घेऊन सत्तानाथ यांचा हा शेवटचा दसरा मेळावा ठरला, तर आश्चर्य वाटायला नको!” त्यांनी पुढे लिहिले आहे की, आधी पक्षचोरी, मग निवडणुकांमधले कथित गैरप्रकार आणि आता सत्तेच्या नाटकाचा अखेरचा अंक सुरू आहे. लोकशाहीत सत्तेचा नव्हे, तर संविधान आणि न्यायाचा शब्द अंतिम असतो, त्यामुळे न्यायालयाचा पडदा सत्तेचा हा खेळ संपवेल, अशी थेट प्रतिक्रिया नोंदवत त्यांनी राजकीय वर्तुळात चर्चेला उधाण आणले आहे.
महाराष्ट्रामध्ये आज एकूण पाच दसरा मेळावे आयोजित करण्यात आले आहेत. त्यापैकी राष्ट्रीय स्वयंसेवक संघाचा मेळावा पार पडला असून, आता पंकजा मुंडे, मनोज जरांगे पाटील, माजी मुख्यमंत्री उद्धव ठाकरे आणि राज्याचे उपमुख्यमंत्री एकनाथ शिंदे यांचे मेळावे बाकी आहेत. यापैकी ठाकरे आणि शिंदे यांच्या मेळाव्यांकडे व त्यांच्या भाषणांकडे संपूर्ण राज्याचे लक्ष लागलेले असतानाच सरोदे यांच्या या दाव्याने खळबळ उडवून दिली आहे.
दरम्यान, शिवसेनेच्या अस्तित्वाबाबत सर्वोच्च न्यायालयात सुरू असलेली सुनावणी या महिन्याअखेरीस संपण्याची शक्यता आहे. या प्रकरणात ठाकरे गटाच्या बाजूने वकील कपिल सिब्बल यांनी जोरदार युक्तिवाद केला आहे, तर शिंदे गटाच्या वतीने वकील नीरज कौल यांनी विविध खटल्यांचे दाखले देत आक्रमकपणे बाजू मांडली आहे. शिवसेना नेमकी कुणाची, याचा फैसला करणारा हा निकाल केवळ ऐतिहासिकच नसून भविष्यातील राजकीय पक्षांच्या वादात तो एक महत्त्वाचा आधार ठरणार असल्याने संपूर्ण देशाचे या निकालाकडे लक्ष लागले आहे.
📌 महत्वाच्या बातम्या
- मराठ्यांच्या विरोधात जाणाऱ्यांना २०२९ ला पाडणार; नारायणगडावरून मनोज जरांगेंचा इशारा
- बीडच्या नारायण गडावरून मनोज जरांगेंचा एकनाथ शिंदेंवर ५०० कोटींचा बॉम्ब; श्रीकांत शिंदेंचाही उल्लेख
- दसरा मेळाव्यापूर्वीच ठाकरे गटात मतभेद; राऊतांच्या अल्बानियाबाबतच्या विधानावर प्रियंका चतुर्वेदींचा थेट आक्षेप
Quick Answers
सर्वोच्च न्यायालयातील सुनावणीच्या पार्श्वभूमीवर, एकनाथ शिंदे यांचा हा शेवटचा दसरा मेळावा ठरू शकतो, असा दावा ज्येष्ठ वकील असीम सरोदे यांनी केला आहे.
महाराष्ट्रामध्ये आज एकूण पाच दसरा मेळावे आयोजित करण्यात आले आहेत. यात राष्ट्रीय स्वयंसेवक संघ, पंकजा मुंडे, मनोज जरांगे पाटील, उद्धव ठाकरे आणि एकनाथ शिंदे यांच्या मेळाव्यांचा समावेश आहे.
या प्रकरणात ठाकरे गटाच्या बाजूने वकील कपिल सिब्बल यांनी युक्तिवाद केला आहे, तर शिंदे गटाच्या वतीने वकील नीरज कौल यांनी बाजू मांडली आहे.
टीप: खालील झटपट उत्तरे AI च्या सहाय्याने तयार करण्यात आली असून ती वरील मूळ बातमीतील माहितीनुसार आहेत. अधिक संदर्भासाठी संपूर्ण बातमी वाचा.
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
