🕒 1 min read
यशाच्या शिखरावर असताना माणूस कधी काय निर्णय घेईल, हे खरोखरच सांगता येत नाही. दाक्षिणात्य सिनेसृष्टीतून (South Film Industry) आता एक अतिशय धक्कादायक आणि मन सुन्न करणारी बातमी समोर आली आहे. प्रसिद्ध अभिनेते मोहनलाल यांच्या सिनेमांच्या निर्मात्याने चक्क स्वतःवर गोळी झाडून आपलं जीवन संपवलं आहे.
कन्नड आणि मल्याळम सिनेसृष्टीतील बडे निर्माते आणि ‘कॉन्फिडंट ग्रुप’चे (Confident Group) चेअरमन सीजे रॉय (CJ Roy) यांचा हा दुर्दैवी अंत झाला आहे. शुक्रवारी (३० जानेवारी) बंगळुरूमध्ये त्यांनी स्वतःवर गोळी झाडून आत्महत्या केल्याचा आरोप आहे. या प्रकरणातील सर्वात धक्कादायक बाब म्हणजे, या घटनेच्या काही तास आधीच त्यांच्या कार्यालयावर प्राप्तिकर विभागाने (Income Tax) धाड टाकली होती.
CJ Roy Suicide
सीजे रॉय यांनी बंगळुरूमध्ये स्वतःवर गोळी झाडली. त्यांना तातडीने वैद्यकीय मदत देण्यात आली, मात्र तोपर्यंत उशीर झाला होता. डॉक्टरांनी त्यांना मृत घोषित केले. इन्कम टॅक्सच्या धाडीचा तणाव की आणखी काही कारण? पोलीस सध्या या मृत्यूमागचं गूढ उकलण्याचा प्रयत्न करत आहेत.
मोठ्या बजेटच्या सिनेमांचे निर्माते सीजे रॉय हे केवळ निर्माते नव्हते, तर रिअल इस्टेट (Real Estate) जगतातील एक मोठं नाव होते. त्यांनी सुपरस्टार मोहनलाल यांच्या ‘कॅसानोवा’ आणि तब्बल १०० कोटी बजेट असलेल्या ‘मरक्कर’ (Marakkar) यांसारख्या मेगा-बजेट सिनेमांची निर्मिती केली होती. इतकंच नाही तर ‘बिग बॉस मल्याळम’चे ते प्रायोजकही राहिले आहेत.
आपल्या कामाच्या पद्धतीबद्दल एकदा ‘टाइम्स ऑफ इंडिया’ला दिलेल्या मुलाखतीत रॉय म्हणाले होते, “मी शूटिंगसाठी माझ्याच मालमत्ता आणि हॉटेल्स वापरतो, ज्यामुळे सिनेमाचं निम्मं बजेट वाचतं.” असा दूरदृष्टी असलेला व्यावसायिक असा धक्कादायक निर्णय घेईल, यावर अजूनही इंडस्ट्रीचा विश्वास बसत नाहीये.
📌 महत्वाच्या बातम्या
- ‘लग्नाआधी शारीरिक संबंध…’; दीपिकाच्या ‘त्या’ एका वक्तव्याने बॉलीवूडमध्ये उडाली होती खळबळ!
- ‘मला राजकारण कळतं, पण…’; रितेश देशमुख राजकारणात येणार का? रितेशचा मोठा खुलासा!
- ‘बायकोनंही नवऱ्यावर आवाज चढवला पाहिजे…’; राणी मुखर्जीच्या ‘त्या’ सल्ल्याने नेटकरी भडकले!
बातम्यांसाठी YouTube चॅनेल Subscribe करा
Subscribe Now
