Samruddhi Mahamarg । बुलढाण्यात समृद्धी महामार्गावर भीषण अपघात! बस पेटली अन् 25 प्रवाशांचा होरपळून मृत्यू

बुलढाणा । समृद्धी महामार्ग (Samruddhi Mahamarg) तयार झाल्यापासून या महामार्गावर अनेक अपघात होत आहेत. सतत या महामार्गावर अपघात झाल्याच्या घटना आपल्याला ऐकायला मिळतात. वाहनाचे टायर फुटून, जंगली जनावर आडवे येऊन तसेच चालकाचे वाहनावरील नियंत्रण सुटल्याने या महामार्गावर अपघात होत असतात. सध्या देखील या महामार्गावर एक भीषण अपघात झाला आहे. बुलढाण्यामध्ये (Buldhana) अत्यंत भीषण अपघात झाला आहे. नागपूरहून पुण्याला जाणाऱ्या खासगी बसचा समृद्धी महामार्गावर भीषण अपघात झाल्याची माहिती समोर आली आहे. (Bus Accident)

Bus accident on Samruddhi Mahamarg near Sindhkhedraja Pimpalkhuta village

सिंधखेडराजा (Sindkhed Raja) येथील पिंपळखुटा गावाजवळ समृद्धी महामार्गावर (Samruddhi Mahamarg) बस डिव्हायडरवर आदळली. आणि हा भीषण अपघात झाला आहे. हा अपघात एवढा भीषण होता की, त्यामुळे बस पलटी झाली आणि बसला अचानक आग लागली. सूत्रांनी दिलेल्या माहितीनुसार, या बसमधून प्रवास करणाऱ्या 25 प्रवाशांचा होरपळून मृत्यू झाला आहे. तर अनेकजण जखमी झाले आहेत.

या अपघातामध्ये बस जाळून खाक झाली आहे. या घटनेची माहिती मिळताच तेथील स्थानिक नागरिकांनी आणि पोलिसांनी घटनास्थळी धाव घेऊन बचाव कार्यास सुरुवात केली. या बसमधील 20 प्रवाशांचे मृतदेह बाहेर काढले असून या सर्व मृतांची ओळख पटवण्याचे काम सुरू आहे.

महत्वाच्या बातम्या :

• Sanjay Raut | हिंम्मत असेल तर निवडणुका घेऊन दाखवा; संजय राऊतांचं राज्य सरकारला खुलं आव्हान
• Ajit Pawar | सरकारनं आता तरी गांभीर्यानं विचार करायला हवा; समृद्धी महामार्गावर झालेल्या भीषण अपघातावर अजित पवारांची प्रतिक्रिया
• Vande Bharat Express | वंदे भारत एक्सप्रेसमध्ये घडला धक्कादायक प्रकार! दरवाजा अचानक बंद झाला अन् रेल्वे अधिकारी…
• Uddhav Thackeray | ठाकरे गटाच्या आजच्या मोर्चाला उद्धव ठाकरे उपस्थित राहणार?
• Marriage | वरात दारात येऊन थांबली अन् नवरी मुलीने दिला लग्नाला नकार; कारण वाचून हादराल