लातूरच्या पाणीप्रश्नावरून राजकीय संघर्ष; अमित देशमुख आणि भाजपच्या नवनाथ बन यांच्यात आरोप-प्रत्यारोप

लातूरच्या पाणीप्रश्नावरून अमित देशमुख आणि भाजपचे नवनाथ बन यांच्यात जुंपली आहे. रेल्वेने पाणी आणणे हे राजकीय षडयंत्र असल्याचा दावा देशमुखांनी केला आहे.

Published On: 

Amit Deshmukh and Navnath Ban clash over Latur water issue

प्रतिनिधी, 21 नोव्हेंबर: लातूरच्या पाणीटंचाईच्या मुद्द्यावरून सध्या राजकीय आरोप-प्रत्यारोप तीव्र झाले आहेत. काँग्रेस नेते अमित देशमुख यांनी लातूर शहराला रेल्वेने पाणी पुरवठा करण्याच्या तत्कालीन घटनेला राजकीय षडयंत्र म्हटले आहे. यावर भाजपचे नेते नवनाथ बन यांनी जोरदार पलटवार करत, काँग्रेसच्या प्रदीर्घ सत्ताकाळात हा प्रश्न का सुटला नाही, अशी विचारणा केली आहे.

तत्कालीन मुख्यमंत्री विलासराव देशमुख यांना लातूरचा पाणीप्रश्न सोडवता आला नाही, असे भासवण्यासाठीच रेल्वेने पाणी आणण्याचा अपप्रचार करण्यात आल्याचा दावा अमित देशमुख यांनी केला. तसेच, सध्या राज्यात भाजपचे सरकार असल्याने आता त्यांनी रेल्वेने पाणी आणण्याची मागणी करून दाखवावी, असे आव्हानही त्यांनी दिले.

देशमुखांच्या या विधानानंतर भाजपने तातडीने प्रत्युत्तर दिले. काँग्रेस इतकी वर्षे सत्तेत होती, लातूर महापालिकेतही त्यांचेच वर्चस्व होते आणि स्वतः अमित देशमुख अनेक वर्षांपासून लातूरचे नेतृत्व करत आहेत, तरीही पिण्याच्या पाण्याचा प्रश्न का सुटला नाही, असा सवाल नवनाथ बन यांनी उपस्थित केला. आजही लातूरमध्ये जवळपास महिन्याभराने पाणी येत असल्याकडे त्यांनी लक्ष वेधले.

याचबरोबर, अमित देशमुख यांच्यात हिंमत असेल तर त्यांनी आगामी पंचवार्षिक योजनेत लातूर शहराचा पाणीप्रश्न कायमस्वरूपी सोडवून दाखवावा, असे थेट आव्हान नवनाथ बन यांनी दिले आहे.

📌 महत्वाच्या बातम्या

MHD News

सत्य, निष्पक्षता आणि नव्या दृष्टिकोनाची कास धरत, 'महाराष्ट्र देशा' प्रत्येक घटनेचं प्रामाणिक रिपोर्टिंग करत आले आहे. अचूक आणि वेगवान बातम्या लोकांपर्यंत पोहोचवणे हे आमचे ध्येय आहे.

🕘 संबंधित बातम्या

Maharashtra Desha App Logo

महाराष्ट्र देशा App डाउनलोड करा

ताज्या बातम्या सर्वात आधी — Notifications सकट!

★★★★★ 4.8 (12K+ reviews)
🔔 Breaking Alerts 📖 Offline वाचा 🎙️ Audio News 📺 Live TV

FREE पूर्णपणे मोफत — कोणतेही Subscription नाही