मुंबई, 11 नोव्हेंबर: भारतीय क्रिकेट संघाचा वेगवान गोलंदाज अर्शदीप सिंगने आयुष्याची नवी इनिंग सुरू केली आहे. नुकत्याच झालेल्या ट्रेड डीलमध्ये पंजाबची साथ सोडून आयपीएलसाठी मुंबई इंडियन्समध्ये (MI) सामील झालेल्या अर्शदीपने, आपली मैत्रीण समरीनसोबत साखरपुडा उरकला आहे.
बुधवार, ११ नोव्हेंबर रोजी अर्शदीपने अगदी फिल्मी स्टाईलने गुडघ्यावर बसून समरीनच्या बोटात अंगठी घातली. या जोडीच्या हटके आणि सिनेस्टाईल प्रपोजलचे फोटो सध्या सोशल मीडियावर मोठ्या प्रमाणावर व्हायरल झाले आहेत.
या दोघांनीही सोशल मीडियावर एकत्र फोटो शेअर करत आपल्या भावना व्यक्त केल्या. ‘आयुष्य जे काही देऊ शकतं, त्यापैकी सर्वात मोठा आनंद याच गोष्टीचा आहे की, त्याने आपल्याला एकमेकांची साथ दिली. आयुष्यभराच्या या सहप्रवासाच्या नावाने… ११.११.२०२६ (हॅपी एंगेजमेंट!),’ अशी इन्स्टाग्राम पोस्ट अर्शदीपने केली आहे.
अर्शदीपच्या या नव्या वाटचालीसाठी क्रिकेट क्षेत्रातील दिग्गज, मित्रमंडळी आणि चाहत्यांकडून शुभेच्छांचा वर्षाव होत आहे. मुंबई इंडियन्सनेही त्यांच्या ट्विटर हँडलवर या जोडीचे फोटो शेअर करत, ‘अर्शदीपसाठी आजची तारीख 11-11-27 ही खरंच खास आहे. अभिनंदन अर्शदीप आणि समीरन…’ अशा शब्दांत शुभेच्छा दिल्या आहेत.
गेल्या काही वर्षांपासून चांगले मित्र असलेले समरीन आणि अर्शदीप आता जीवनसाथी बनणार आहेत. समरीन ही पंजाबी मनोरंजन विश्वाशी जोडलेली असून तिने अनेक म्युझिक अल्बममध्ये काम केले आहे. याव्यतिरिक्त, कपिल देव यांच्या जीवनावर आणि १९८३ च्या वर्ल्डकपवर आधारित असलेल्या बॉलिवूडच्या ‘८३’ या सिनेमातही ती झळकली होती.
📌 महत्वाच्या बातम्या
- अहिल्यानगरमध्ये ऊसदराचा तिढा कायम; विखेंच्या अध्यक्षतेखालील दुसरी बैठकही निष्फळ
- २०१८ च्या बॉल-टॅम्परिंग प्रकरणात डॅरेन लेहमन यांच्यावरील टीकेला डेव्हिड वॉर्नरचा पाठिंबा
- हवामान विभागाचे नवे अपडेट: महाराष्ट्रासाठी २४ तास महत्त्वाचे, राज्यात थंडीचा कडाका वाढणार
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
