राज्यातील शेतकऱ्यांना सरकार वाऱ्यावर सोडणार नाही; उपमुख्यमंत्री एकनाथ शिंदेंची भरघोस मदतीची ग्वाही

प्रतिनिधी, 1 नोव्हेंबर: राज्यातील संकटग्रस्त शेतकऱ्यांना राज्य सरकारकडून भरघोस मदत दिली जाईल, अशी महत्त्वपूर्ण ग्वाही उपमुख्यमंत्री एकनाथ शिंदे (Eknath Shinde) यांनी दिली आहे. कोणत्याही परिस्थितीत सरकार शेतकऱ्यांच्या पाठीशी खंबीरपणे उभे असून, त्यांना कधीही वाऱ्यावर सोडले जाणार नाही, असे त्यांनी स्पष्ट केले.

विविध तालुक्यांमधील शेतकऱ्यांना दिलासा देण्यासाठी राज्य सरकार मदतीबाबत कुठेही हात आखडता घेणार नाही. त्यामुळे शेतकऱ्यांनी कोणतीही चिंता करू नये, असे आवाहन उपमुख्यमंत्र्यांनी केले आहे. राज्य सरकारसोबतच केंद्रानेही महाराष्ट्रातील शेतकऱ्यांना मदतीचे आश्वासन दिले आहे.

पंतप्रधान नरेंद्र मोदी आणि केंद्रीय गृह तसेच सहकारमंत्री अमित शाह यांनीही केंद्र सरकार महाराष्ट्रातील बळीराजाच्या पाठीशी ठामपणे उभे राहील, असा शब्द दिला आहे. राज्य आणि केंद्र सरकार दोन्हीही शेतकरी हितासाठी कटिबद्ध असून आवश्यक ते सर्व सहकार्य पुरवले जाईल, असे एकनाथ शिंदे यांनी नमूद केले. या आश्वासनामुळे शेतकऱ्यांना मोठा दिलासा मिळाला आहे.

📌 महत्वाच्या बातम्या

• ग्लेन फिलिप्सचा जागतिक विक्रम; द्विपक्षीय टी-२० मालिकेत केल्या सर्वाधिक धावा
• “निकाल वेगळाही असू शकला असता”: भारताकडून ३-२ ने मालिका गमावल्यानंतर मिचेल सँटनरची प्रतिक्रिया
• “ज्ञानेश ज्ञानेश येस पापा, व्होट चोरी येस पापा…! ममता बॅनर्जींचा ज्ञानेश कुमारवर हल्लाबोल