दिल्ली, 20 ऑक्टोबर: दसरा मेळाव्याच्या पार्श्वभूमीवर ठाकरे गटातील अंतर्गत मतभेद चव्हाट्यावर आले आहेत. खासदार संजय राऊत यांनी अल्बानियातील हिंसक आंदोलनाचा दाखला देत केलेल्या एका विधानाला पक्षाच्याच नेत्या आणि माजी खासदार प्रियंका चतुर्वेदी यांनी थेट आक्षेप घेतला आहे. त्यामुळे पक्षात एकच खळबळ उडाली आहे.
सध्या देशातील विविध शहरांसह दिल्लीत विद्यार्थी आणि विरोधी पक्षांकडून विविध कारणांवरून आंदोलने सुरू असून, ठाकरे गट यात महत्त्वाची भूमिका बजावताना दिसत आहे. याच दरम्यान, संजय राऊत यांनी अल्बानियातील घटनेचा संदर्भ देत सत्ताधाऱ्यांना मोठा इशारा दिला. ‘अल्बानियात सर्वोच्च न्यायालय भ्रष्ट पंतप्रधानांना मदत करत असल्याने भडकलेल्या लोकांनी ते जाळून टाकले. तसेच आंदोलकांनी संसद, सरकारी कार्यालये आणि मंत्र्यांच्या घरांवरही हल्ले केले. सर्व देशांनी या घटनांमधून धडा घ्यायला हवा,’ असे राऊत यांनी आपल्या पोस्टमध्ये म्हटले होते.
यावर दिल्लीत प्रतिक्रिया देताना प्रियंका चतुर्वेदी यांनी राऊतांची भूमिका खोडून काढली. भारताला इतर कोणत्याही देशाकडून शिकण्याची गरज नसल्याचे त्या म्हणाल्या. भारतात सत्तांतर नेहमीच लोकशाही मार्गाने झाले असून आणीबाणीनंतरही तोच मार्ग अवलंबला गेला. त्यामुळे भारतातील जनतेने कायदा आणि सुव्यवस्था बिघडवू नये, असे मत त्यांनी व्यक्त केले.
चतुर्वेदी पुढे म्हणाल्या, ‘अल्बानिया हा एक छोटा देश असून तिथे अनेक वर्षे डाव्यांची हुकूमशाही होती. लोकांनी कायदा हातात घेऊन सर्वोच्च न्यायालय किंवा संसदेसारख्या संस्था अस्थिर करणे पूर्णपणे अस्वीकार्य आहे.’ बांगलादेशातील आंदोलनाबाबत बोलताना त्या म्हणाल्या की, तिथे सुरुवातीला विद्यार्थ्यांनी आंदोलन केले, मात्र नंतर ते इस्लामी चळवळीने ताब्यात घेतले. ज्यातून हिंदू अल्पसंख्याकांवर हल्ले झाले. त्यामुळे बांगलादेशातील आंदोलनातून सत्तांतराची प्रेरणा घ्यावी, असे म्हणणे अत्यंत खेदजनक असल्याचे त्यांनी स्पष्ट केले.
हिंसक मार्गाने होणाऱ्या सत्तांतराला कोणत्याही लोकशाहीत स्थान नसून अल्बानिया, पॅरिस किंवा अशा इतर उदाहरणांकडे आपण मार्गदर्शनासाठी पाहू नये, असेही प्रियंका चतुर्वेदींनी बजावले. त्यांच्या या सडेतोड वक्तव्यानंतर आता खासदार संजय राऊत नेमकी काय प्रतिक्रिया देतात, याकडे सर्वांचे लक्ष लागून आहे.
📌 महत्वाच्या बातम्या
- मनोज जरांगेंच्या ५०० कोटींच्या दाव्याने खळबळ; शिंदे गटाचे नेते रामदास कदम यांची पहिली प्रतिक्रिया
- शेतकऱ्यांना हेक्टरी १ लाख रुपये मदत द्या; नारायणगडावरून मनोज जरांगे पाटलांचा सरकारला इशारा, ५ प्रमुख मागण्या
- मला ठार मारण्याचा कट, ३० मिनिटांची गुप्त चर्चा माझ्याकडे; मनोज जरांगे पाटील यांचा खळबळजनक दावा
Quick Answers
अल्बानियात सर्वोच्च न्यायालय भ्रष्ट पंतप्रधानांना मदत करत असल्याने भडकलेल्या लोकांनी ते जाळून टाकले तसेच संसद, सरकारी कार्यालये आणि मंत्र्यांच्या घरांवर हल्ले केले, असे सांगत सर्व देशांनी या घटनांमधून धडा घ्यायला हवा, असे संजय राऊत यांनी म्हटले होते.
प्रियंका चतुर्वेदी यांनी भारताला इतर कोणत्याही देशाकडून शिकण्याची गरज नसल्याचे सांगत राऊतांची भूमिका खोडून काढली. भारतात सत्तांतर नेहमीच लोकशाही मार्गाने झाले असून लोकांनी कायदा हातात घेऊन सर्वोच्च न्यायालय किंवा संसदेसारख्या संस्था अस्थिर करणे पूर्णपणे अस्वीकार्य असल्याचे त्यांनी स्पष्ट केले.
बांगलादेशात सुरुवातीला विद्यार्थ्यांनी आंदोलन केले, पण नंतर ते इस्लामी चळवळीने ताब्यात घेतले आणि त्यातून हिंदू अल्पसंख्याकांवर हल्ले झाले; त्यामुळे अशा आंदोलनातून सत्तांतराची प्रेरणा घ्यावी असे म्हणणे अत्यंत खेदजनक आहे, असे प्रियंका चतुर्वेदी म्हणाल्या.
टीप: खालील झटपट उत्तरे AI च्या सहाय्याने तयार करण्यात आली असून ती वरील मूळ बातमीतील माहितीनुसार आहेत. अधिक संदर्भासाठी संपूर्ण बातमी वाचा.
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
