प्रतिनिधी, 4 ऑक्टोबर: राज्यात विधान परिषदेच्या (Vidhan Parishad Election) शिक्षक आणि पदवीधर मतदारसंघाच्या निवडणुकीची रणधुमाळी सुरू आहे. सत्ताधारी महायुती आणि विरोधी महाविकास आघाडीने बहुतांश जागांवर उमेदवार जाहीर केले आहेत. मात्र, उमेदवारी न मिळाल्याने नाराज झालेल्या इच्छुकांनी अपक्ष अर्ज दाखल करण्याची तयारी सुरू केल्याने दोन्ही आघाड्यांमध्ये बंडखोरीचे आव्हान उभे राहिले आहे. याचा फटका अधिकृत उमेदवारांना बसण्याची शक्यता आहे.
पुण्याच्या दोन्ही जागा महायुतीत भाजपकडे आल्या आहेत. पुणे शिक्षक मतदारसंघात भाजपने कौस्तुभ गावडे यांना उमेदवारी दिली असून, त्यांच्या विरोधात काँग्रेसचे जयंत आसगावकर मैदानात आहेत. मात्र, या ठिकाणी शिवसेना शिंदे गटाचे नेते मंगेश चिवटे यांनी बंडखोरीचे संकेत दिले आहेत. दुसरीकडे, पुणे पदवीधर मतदारसंघात भाजपच्या उमेदवार स्मिता जाधव यांच्या विरोधात राष्ट्रवादी शरद पवार गटाच्या संभाव्य उमेदवार हर्षदा देशमुख असू शकतात. येथे राष्ट्रवादीतून भैय्या माने बंडखोरी करत अर्ज दाखल करण्याच्या तयारीत आहेत.
नागपूर पदवीधर मतदारसंघात भाजपने सुधाकर कोहळे यांना उमेदवारी जाहीर केली असून, काँग्रेसने अभिजित वंजारी यांना रिंगणात उतरवले आहे. मात्र, येथे भाजपचे माजी आमदार अनिल सोले बंडखोरीच्या तयारीत आहेत. तसेच, अमरावती शिक्षक मतदारसंघात काँग्रेसने आदिती पोहरे यांना उमेदवारी दिली असली तरी, शिवसेना ठाकरे गटाचे दत्तात्रय लहाने इच्छुक असल्याने तिथेही बंडखोरीची शक्यता निर्माण झाली आहे.
छत्रपती संभाजीनगर पदवीधर मतदारसंघात राष्ट्रवादीकडून सतीश चव्हाण यांची उमेदवारी पुन्हा एकदा जवळपास निश्चित मानली जात आहे. त्यांच्या विरोधात ठाकरे गटाकडून दिलीप घुगे हे संभाव्य उमेदवार असू शकतात, मात्र अद्याप त्यांची अधिकृत घोषणा झालेली नाही. दरम्यान, या जागेवर भाजपचे संजय केणेकर हे मैत्रीपूर्ण लढतीसाठी इच्छुक असल्याचे समोर आले आहे.
📌 महत्वाच्या बातम्या
- डिमार्टमध्ये कॅरी बॅगसाठी पैसे मोजताय? ‘ही’ सोपी युक्ती वापरून वाचवा तुमचे पैसे
- ‘काही अडचण असेल तर खुशाल जळा’, गोविंदासोबतच्या कथित अफेअरवर कोमल राणीने सोडले मौन
- ‘मला आता भारतात शांतता जाणवत नाही’; संजय दत्तच्या विधानामुळे सोशल मीडियावर संताप
Quick Answers
पुणे शिक्षक मतदारसंघात भाजपने कौस्तुभ गावडे यांना उमेदवारी दिली असून काँग्रेसचे जयंत आसगावकर त्यांच्या विरोधात मैदानात आहेत. या ठिकाणी शिवसेना शिंदे गटाचे नेते मंगेश चिवटे यांनी बंडखोरीचे संकेत दिले आहेत.
नागपूर पदवीधर मतदारसंघात भाजपने सुधाकर कोहळे यांना उमेदवारी जाहीर केली आहे, तर काँग्रेसने अभिजित वंजारी यांना रिंगणात उतरवले आहे. येथे भाजपचे माजी आमदार अनिल सोले हे बंडखोरीच्या तयारीत आहेत.
अमरावती शिक्षक मतदारसंघात काँग्रेसने आदिती पोहरे यांना उमेदवारी दिली आहे. या जागेवर शिवसेना ठाकरे गटाचे दत्तात्रय लहाने इच्छुक असल्याने बंडखोरीची शक्यता आहे.
छत्रपती संभाजीनगर पदवीधर मतदारसंघाच्या जागेवर भाजपचे संजय केणेकर हे मैत्रीपूर्ण लढतीसाठी इच्छुक असल्याचे समोर आले आहे.
टीप: खालील झटपट उत्तरे AI च्या सहाय्याने तयार करण्यात आली असून ती वरील मूळ बातमीतील माहितीनुसार आहेत. अधिक संदर्भासाठी संपूर्ण बातमी वाचा.
Ask Maharashtra Desha
आधी महाराष्ट्र देशाच्या उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
