यशस्वी जैस्वालचा अनोखा विक्रम: सलग ३० कसोटी, ३० वेगवेगळी मैदाने; थेट सचिनच्या रेकॉर्डशी बरोबरी!

Yashasvi Jaiswal: ३० कसोटी सामने आणि ३० वेगवेगळी मैदाने… ऐकायला थोडं वेगळं वाटतंय ना? पण टीम इंडियाचा आक्रमक सलामीवीर यशस्वी जैस्वालने हा अनोखा विक्रम खऱ्या अर्थाने स्वतःच्या नावावर केलाय.

श्रीलंकेविरुद्ध गॉल स्टेडियमवर तो कारकिर्दीतला ३० वा कसोटी सामना खेळण्यासाठी मैदानात उतरला. आणि याचसोबत त्याने एक असा रेकॉर्ड बनवला, जो याआधी भारतीय क्रिकेटच्या इतिहासात फक्त सचिन तेंडुलकर आणि संजय मांजरेकर यांनाच जमता आला होता.

Yashasvi Jaiswal चा ऐतिहासिक विक्रम, थेट सचिनच्या पंगतीत!

जुलै २०२३ मध्ये वेस्ट इंडिजविरुद्ध रोसो (Roseau) येथून त्याने कसोटी पदार्पण केलं होतं. तेव्हापासून आतापर्यंत तो एकाही मैदानावर सलग दुसरा कसोटी सामना खेळलेला नाही. वेस्ट इंडिज, दक्षिण आफ्रिका, भारत, इंग्लंड आणि ऑस्ट्रेलिया असा प्रवास करत तो आता श्रीलंकेत पोहोचलाय.

त्याची आकडेवारीही थक्क करणारी आहे. ३० सामन्यांच्या ५५ डावांमध्ये त्याने तब्बल २५६७ धावा कुटल्यात. यात ७ शतके आणि १३ अर्धशतकांचा समावेश असून, नाबाद २१४ ही त्याची सर्वोच्च धावसंख्या आहे. त्याची फलंदाजीची सरासरी ४८.४३ इतकी जबरदस्त आहे.

दुसरीकडे, गॉल कसोटीत मात्र त्याची खेळी दुर्दैवीरित्या संपुष्टात आली. तो ३२ धावांवर उत्तम खेळत होता. सगळं काही सुरळीत सुरू होतं. पण धाव घेताना गोलंदाजाशी त्याची धडक झाली आणि केएल राहुलसोबत उडालेल्या गोंधळामुळे त्याला धावबाद (Run Out) होऊन माघारी परतावं लागलं.

कसोटी क्रिकेटमधील त्याची ही तिसरी वेळ आहे, जेव्हा तो धावबाद झालाय. याआधी तो २०२४ मध्ये ऑस्ट्रेलियाविरुद्ध (८२ धावांवर) आणि त्यानंतर वेस्ट इंडिजविरुद्ध (१७५ धावांवर) धावबाद झाला होता.

यशस्वी जैस्वालचे ३० कसोटी सामने आणि कामगिरी:

📌 महत्वाच्या बातम्या

• १५ वर्षांखालील मुलांच्या सोशल मीडिया बंदीला ब्रेक; कोर्टाचा सरकारला मोठा दणका
• ‘जरांगेंना मुंबईत आंदोलन करण्याची वेळ येऊ देणार नाही’ : उदय सामंत
• नात्यात गोडवा आणि विश्वास वाढवायचाय? हे ७ क्रिस्टल्स नक्की ट्राय करा

📈 लोकप्रिय बातम्या

तुकाराम मुंढेंचा आवडता मुख्यमंत्री कोण? फडणवीस, शिंदे की ठाकरे; उत्तराने सगळेच चक्रावले

मुंबईत राजकीय सस्पेन्स वाढला; ‘हा’ सदस्य अजून ठाकरे गटातच… मग शिंदे गटाच्या बैठकीत कसा?

‘आमदार पाडूनच दाखवा!’; मनोज जरांगेंच्या इशाऱ्याला प्रवीण दरेकरांचं खुलं आव्हान, राजकारण तापलं!