मुंबई: अन्न व औषध प्रशासनाचे (FDA) प्रमुख तुकाराम मुंढे (Tukaram Mundhe) सध्या राज्यभर धडक कारवाई करत आहेत, ज्यामध्ये ‘ॲनालॉग पनीर’वर (कृत्रिम पनीर) बंदी घालण्याचाही समावेश आहे. आज एका पत्रकार परिषदेत या कारवाईची माहिती देताना त्यांनी सांगितले की, ही बंदी एका वर्षासाठी लागू राहील. अमरावती येथील एका कार्यक्रमात नागपूरच्या (Nagpur) प्रसिद्ध ‘सावजी’ (Saoji) खाद्यपदार्थांबद्दल केलेल्या विधानामुळे निर्माण झालेल्या वादावरही त्यांनी ठाम भूमिका मांडली. मुंढे यांनी स्पष्ट केले की, “माझे वक्तव्य नीट ऐका, ते व्यक्तिगत होते. त्यामुळे, माझ्या वक्तव्यावर माफी मागण्याचा प्रश्नच येत नाही.”
Tukaram Mundhe clarifies Saoji food
आरोग्याशी संबंधित एका कार्यक्रमात मुंडे यांनी टिप्पणी केली होती की, जर त्यांनी सावजी जेवण केले, तर त्यांना महिनाभर रुग्णालयात दाखल व्हावे लागेल. या विधानाला नागपूरमधील सावजी रेस्टॉरंट चालकांकडून विरोध झाला आणि त्यांनी मुंढे यांना अस्सल सावजी पदार्थांची चव घेण्यासाठी आपल्या घरी आमंत्रित केले. तसेच, ‘सावजी’ हा केवळ एक खाद्यपदार्थ नसून ती एक सांस्कृतिक परंपरा आहे, असे म्हणत ‘हल्बा’ समाजातील उद्योजकांनी त्यांच्याकडे माफीची मागणी केली होती. आता मुंढे यांनी या मुद्द्यावरही भाष्य केले आहे.
माफी मागण्याचा प्रश्नच नाही
“माझे विधान पुन्हा एकदा ऐका. मी म्हणालो होतो की, *मी* ते खाल्ले तर महिनाभर आजारी पडेन, दुसरे आजारी पडतील असे म्हटलेलं नाही. कुणी खा किंवा नका खाऊ असे म्हटले नाही, असे स्पष्टीकरण तुकाराम मुंढेंनी दिले. “२००८-०९ मध्ये एका मित्राने मला सोबत नेले होते, ते पाहताच तो पदार्थ अतिशय लाल रंगाचा वाटला. मी फक्त एक घास घेतला आणि उठलो, कारण तो मला खूप तेलकट आणि तिखट वाटला. मात्र, मी कुणालाही खाऊ नये असे म्हटले नाही, असा किस्साही तुकाराम मुंढेंनी सांगितला. “माझे वक्तव्य वैयक्तिक होते, कोणी खावे आणि कोणी खाऊ नये याबद्दल मी काही म्हटले नाही. त्यामुळे, माझ्या वक्तव्यावर माफी मागण्याचा प्रश्नच येत नाही.” असे म्हणत तुकाराम मुंढे यांनी माफी मागण्यास नकार दिला.
📌 महत्वाच्या बातम्या
- सुप्रीम कोर्टात कपिल सिब्बलांचा मोठा दावा; ‘क्रॉस वोटिंगनंतरच आमदार सुरतला गेले’
- टीम इंडियाचा स्टार क्रिकेटर RBI मध्ये सरकारी नोकरीवर; पगार ऐकून थक्क व्हाल!
- किशोरी पेडणेकरांचा पलटवार; ‘टेंडर मागे घेण्यावरून तुमची बालबुद्धी दिसते’
बातम्यांसाठी YouTube चॅनेल Subscribe करा
Subscribe Now
