🕒 1 min read
पुणे – ठाकरेंच्या शिवसेनेचे सहा खासदार एकनाथ शिंदेंनी गळाला लावल्यानंतर आता पुढचा नंबर शरद पवारांच्या (Sharad Pawar NCP) राष्ट्रवादीचा आहे का? गेल्या काही दिवसांपासून राजकीय वर्तुळात या एकाच प्रश्नाने मोठी खळबळ उडवून दिली होती.
आगामी अधिवेशनात येणाऱ्या मतदारसंघ पुनर्रचना विधेयकाच्या (डिलिमिटेशन बिल) निमित्ताने भाजपकडून आकड्यांची जुळवाजुळव सुरू आहे. त्यासाठीच पवारांचे खासदार फुटणार असल्याच्या जोरदार चर्चा रंगल्या होत्या. पण आता या सगळ्या राजकीय घडामोडींवर सर्वात मोठी अपडेट हाती आली आहे.
Sharad Pawar | ऑपरेशन तुतारीला तुर्तास ब्रेक, नेमकं काय घडलं?
विश्वसनीय सूत्रांनी दिलेल्या माहितीनुसार, सध्या तरी शरद पवारांच्या पक्षात कोणतीही फूट पडण्याची शक्यता नाही. एकनाथ शिंदेंच्या शिवसेनेलाही आता पवारांचे खासदार फोडण्यात फारसा रस नसल्याचं समजतंय. त्यामुळे ‘ऑपरेशन तुतारी’ला तूर्तास ब्रेक लागला असून या चर्चांना पूर्णविराम मिळाला आहे.
दुसरीकडे, मतदारसंघ पुनर्रचना विधेयकावरून (Delimitation Bill) महाविकास आघाडीतच काहीसा गोंधळ पाहायला मिळत आहे. खासदार सुप्रिया सुळे यांनी स्पष्ट केलं की, जर या विधेयकात जागावाढीची मर्यादा ५० टक्क्यांपर्यंत ठेवली, तर त्यावर चर्चा करण्याची आमची तयारी आहे.
सुळे यांच्या या वक्तव्यानंतर महाविकास आघाडीच्या नेत्यांमध्ये चांगलीच फोनाफोनी सुरू झाली. यावर ठाकरे गटाचे खासदार संजय राऊत यांनी पत्रकार परिषद घेत तातडीने सारवासारव केली. राष्ट्रवादी काँग्रेस या विधेयकाला पाठिंबा देणार असल्याच्या बातम्या चुकीच्या असून, हे विधेयक आल्यावर आम्ही सर्वजण एकत्र बसूनच अंतिम निर्णय घेऊ, अशी स्पष्ट भूमिका राऊत यांनी मांडली.
📌 महत्वाच्या बातम्या
- स्पेन फायनलमध्ये पोहोचताच भारताच्या World Cup 2027 विजयाची चर्चा; काय आहे 2010-11 कनेक्शन?
- Maharashtra Rain Alert: कोकणातील 6 जिल्ह्यांना यलो अलर्ट; 20 जुलैनंतर राज्यभर मुसळधार पावसाचा अंदाज
- NHM कंत्राटी कर्मचाऱ्यांची प्रतीक्षा संपली! सेवा नियमित करण्यासाठी शासन निर्णय जारी
बातम्यांसाठी YouTube चॅनेल Subscribe करा
Subscribe Now
