आयपीएल फायनलमध्ये आरसीबीच्या वादळापुढे गुजरात टायटन्सने नांगी का टाकली? हाच प्रश्न कालपासून क्रिकेट चाहत्यांना सतावत आहे. आयपीएल 2026 च्या महासंग्रामात सलग दुसऱ्यांदा ट्रॉफी जिंकत आरसीबीने इतिहास रचला.
पण या मानहानीकारक पराभवानंतर गुजरातचा कर्णधार शुबमन गिलने (Shubman Gill) असं काही म्हटलंय, ज्यामुळे सगळीकडेच चर्चांना उधाण आलं आहे. अंतिम सामन्यात गुजरातने दिलेलं 156 धावांचं माफक आव्हान आरसीबीने अगदी सहज, म्हणजे 18 व्या षटकातच पूर्ण केलं.
Shubman Gill IPL 2026 final
नाणेफेकीपासून ते विजयाच्या क्षणापर्यंत आरसीबीनेच सामन्यावर पूर्ण वर्चस्व गाजवलं. त्यामुळेच, सुरुवातीच्या पॉवरप्लेमध्येच निम्मे धावा कुटत आरसीबीने गुजरातच्या पराभवाची स्क्रिप्ट फिक्स केली होती.
सामन्यानंतर बोलताना शुबमन गिलने थेट आपल्या मनातील खंत बोलून दाखवली. तो म्हणाला, “जर आम्ही 180-190 धावांचा पल्ला गाठला असता, तर चित्र नक्कीच वेगळं असतं. सुरुवातीलाच दोन झटपट विकेट्स पडल्या आणि तिथेच आमची पूर्ण लय बिघडली.” दुसरीकडे, पॉवरप्लेमध्ये 15-20 धावा जास्त दिल्याची कबुलीही त्याने दिली.
स्पर्धेतील सर्वोत्तम गोलंदाजी आमचीच होती, असा दावा करत गिलने आपल्या संघाची पाठ थोपटली. सुरुवातीचे सामने हरल्यानंतरही संघाने जोरदार कमबॅक केलं, याचा गिलला अभिमान आहे. जरी आम्ही ट्रॉफी जिंकली असती तरी सुधारणेला वाव होताच, असंही त्याने स्पष्ट केलं.
या विजयानंतर आरसीबीचा कर्णधार रजत पाटीदार भलताच भावूक झालेला पाहायला मिळाला. “आरसीबीचा कॅप्टन बनून ही चमचमती ट्रॉफी उचलेन, असा विचार मी स्वप्नातही केला नव्हता. हे नशिबातच लिहिलं होतं,” असं पाटीदारने सांगितलं. नाणेफेक जिंकल्यामुळे टार्गेट चेस करणं सोपं गेल्याचंही त्याने नमूद केलं.
भुवी, हेझलवूड, रासिख आणि सुयश सारख्या गोलंदाजांनी संपूर्ण हंगामात जी कमाल केली, तीच या विजयाची खरी किल्ली ठरली, असंही पाटीदारने अभिमानाने सांगितलं. त्यामुळेच आता आरसीबी फॅन्सच्या आनंदाला उधाण आलं आहे.
📌 महत्वाच्या बातम्या
- विराट कोहलीने अखेर उघड केलं आरसीबीच्या जेतेपदाचं गुपित, मुंबई इंडियन्सचा उल्लेख करत म्हणाला की…
- राज्यात पावसाची एन्ट्री अन् उकाड्यापासून सुटका; पण ‘या’ जिल्ह्यात उडाली दाणादाण!
- प्राजक्त तनपुरेंना थेट उमेदवारी, भाजपची यादी जाहीर अन् राजकीय वर्तुळात मोठी खळबळ!
बातम्यांसाठी YouTube चॅनेल Subscribe करा
Subscribe Now
