वैभव सूर्यवंशीच्या वादळी खेळीने सचिन तेंडुलकरही थक्क, १५ वर्षांच्या पोराने मोडता मोडता सोडला ख्रिस गेलचा विक्रम!

🕒 1 min read

अवघ्या १५ वर्षांच्या पोराने आयपीएलसारख्या मोठ्या मंचावर फक्त २९ चेंडूंत ९७ धावा कुटल्या, तर तुम्ही त्याला काय म्हणाल? होय, सध्या क्रिकेट विश्वात अशाच एका नावाची जोरदार चर्चा सुरू असून, त्याच्या या वादळी खेळीने भल्याभल्या गोलंदाजांची झोप उडवली आहे.

आयपीएल २०२६ च्या एलिमिनेटर सामन्यात राजस्थान रॉयल्सच्या वैभव सूर्यवंशीने (Vaibhav Sooryavanshi) सनरायझर्स हैदराबादविरुद्ध असा काही धुमाकूळ घातला की थेट ‘क्रिकेटचा देव’ सचिन तेंडुलकरलाही (Sachin Tendulkar) त्याची दखल घ्यावी लागली. वैभवने मैदानात चौकार आणि षटकारांचा पाऊस पाडत ऐतिहासिक कामगिरी केली आहे.

Sachin Tendulkar Praises Vaibhav Sooryavanshi 

हैदराबादविरुद्धच्या या ‘करो या मरो’च्या सामन्यात सलामीला आलेल्या वैभवने सुरुवातीपासूनच हल्लाबोल सुरू केला. त्याने अवघ्या २९ चेंडूंत ५ चौकार आणि तब्बल १२ गगनचुंबी षटकार ठोकत ९७ धावांची खेळी केली.

एका क्षणी तो ख्रिस गेलचा सर्वात जलद शतकाचा रेकॉर्ड मोडेल असं वाटत होतं, पण प्रफुल हिंगेच्या चेंडूवर तो बाद झाला आणि त्याचं ऐतिहासिक शतक फक्त ३ धावांनी हुकलं. त्याच्या या धडाकेबाज फलंदाजीने प्रभावित होऊन मास्टर ब्लास्टर सचिन तेंडुलकरने ‘एक्स’वर मोठी पोस्ट लिहीत त्याचं तंत्र उलगडलं.

“वैभवचा बॅट स्विंग खरोखरच कमालीचा आहे. लेग साईडला येणाऱ्या चेंडूंवर तो फ्रंट फुटला जाऊन ज्या प्रकारे स्वतःसाठी जागा बनवतो, ते पाहण्यासारखं असतं,” अशा शब्दांत सचिनने त्याचं तोंडभरून कौतुक केलं. आगामी टी-२० वर्ल्ड कपसारख्या मोठ्या स्पर्धांसाठी भारतीय संघाला अशाच निडर खेळाडूंची गरज असते, त्यामुळे भविष्यात तो टीम इंडियाची दारंही ठोठावू शकतो.

या स्पर्धेच्या सुरुवातीपासूनच वैभवने आपला दबदबा निर्माण केला आहे. १५ सामन्यांत त्याने ६८० धावा केल्या असून मानाची ‘ऑरेंज कॅप’ सध्या त्याच्याच डोक्यावर आहे.

दरम्यान, वैभव आणि ध्रुव जुरेलच्या जोरावर राजस्थानने २४३ धावांचा डोंगर उभारला आणि हैदराबादला १९६ धावांवर रोखत ४७ धावांनी विजय मिळवला. या विजयासह राजस्थानने थेट ‘क्वालिफायर-२’ मध्ये धडक मारली असून, आता त्यांचा सामना शुक्रवारी गुजरात टायटन्सशी होणार आहे.

📌 महत्वाच्या बातम्या

• “हिंमत असेल, तर सलमान खानला बॅन करून दाखवा”; राखी सावंतची ‘डॉन ३’ वादात उडी, फरहान अख्तरला थेट आव्हान!
• मान्सूनचा पहिला अंदाज हुकला, आता ‘या’ तारखेला धडकणार? पावसाच्या नव्या अपडेटने शेतकऱ्यांची धाकधूक वाढली!
• अभिनेत्री दिपाली सय्यद यांना धमक्यांचे फोन, रुपाली चाकणकरांचा रोल केल्यास करिअर उद्ध्वस्त करण्याचा इशारा!

📈 लोकप्रिय बातम्या

राज्य निवडणूक आयोगाचा मोठा निर्णय; राज्यातील १५,६३६ ग्रामपंचायतींमध्ये राजकीय भूकंप होणार?

उदय सामंत यांच्या पत्नीची मोठी माघार; निवडणुकीत अचानक ‘हा’ मोठा ट्विस्ट!

छगन भुजबळांचा मोठा गौप्यस्फोट, राष्ट्रवादीच्या बैठकीत स्वबळाचा नारा अन् धक्कादायक माहिती!