विराट कोहली मैदानात असला की काहीतरी भन्नाट घडणार नाही, असं कधीच होत नाही. आता पुन्हा एकदा असंच काहीसं घडलंय, ज्यामुळे सोशल मीडियावर जोरदार खळबळ उडाली आहे.
आयपीएल २०२६ च्या पहिल्या क्वालिफायर सामन्यात आरसीबीने गुजरात टायटन्सचा तब्बल ९२ धावांनी धुव्वा उडवत थेट फायनलमध्ये धडक मारली आहे. सलग दुसऱ्यांदा अंतिम फेरी गाठत आरसीबीने जेतेपदावर मजबूत दावा सांगितलाय. पण या दणदणीत विजयापेक्षा सध्या चर्चा रंगलीय ती सामन्यापूर्वीच्या विराट कोहलीच्या (Virat Kohli) एका सीक्रेट व्हिडीओची.
Virat Kohli Viral Video
धर्मशाला इथल्या हिमाचल प्रदेश क्रिकेट असोसिएशनच्या मैदानावर हा हाय-व्होल्टेज सामना खेळवला गेला. नाणेफेक जिंकून गुजरातचा कर्णधार शुभमन गिल याने पहिल्यांदा गोलंदाजीचा निर्णय घेतला होता. आरसीबीची फलंदाजी येणार म्हणून सामना सुरू होण्यापूर्वी गुजरातच्या टीमचा मैदानावर एक फोटोशूट सुरू होता.
नेमक्या याच वेळी विराट फलंदाजीसाठी पॅड बांधून सीमारेषेवर उभा होता. समोर गुजरातच्या खेळाडूंना पाहिल्यानंतर विराटने काही विचित्र इशारे करून त्यांना डिवचायला सुरुवात केली. तो हसत होता आणि समोरच्यांना चिडवत होता, हे या व्हिडीओत स्पष्ट दिसतंय.
विराट नेमकं कोणाला चिडवत होता, हे अजून तरी स्पष्ट झालेलं नाही. पण गुजरातच्या गोटात इशांत शर्मा, आशिष नेहरा आणि कर्णधार शुभमन गिल असे विराटचे एकदम खास मित्र आहेत. त्यामुळे तो नक्कीच यापैकी कोणाची तरी फिरकी घेत असावा, अशी चर्चा आता क्रिकेट वर्तुळात सुरू आहे.
सर्वांत रंजक गोष्ट म्हणजे, विराटची ही मस्ती त्याचा जुना सहकारी तरूवर कोहली याने कॅमेऱ्यात कैद केली. अंडर-१९ मध्ये हे दोघे एकत्र खेळले होते. तरूवर हा सामना पाहण्यासाठी खास स्टेडियममध्ये आला होता. त्याने हा व्हिडीओ सोशल मीडियावर टाकला आणि बघता बघता तो तुफान व्हायरल झाला.
📌 महत्वाच्या बातम्या
- शुभमन गिलची मोठी चूक अन् गुजरातचा पराभव; आरसीबीची थेट फायनलमध्ये धडक! शुबमन गिल म्हणाला…..
- सुनील तटकरेंचा थेट संताप, भुजबळांशी जुंपली अन् राष्ट्रवादीच्या बैठकीत मोठा गदारोळ!
- छगन भुजबळांचा मोठा गौप्यस्फोट, राष्ट्रवादीच्या बैठकीत स्वबळाचा नारा अन् धक्कादायक माहिती!
बातम्यांसाठी YouTube चॅनेल Subscribe करा
Subscribe Now
