वानखेडेवर धोनीच्या चाहत्यांचा हिरमोड; ऋतुराजनेच केला ‘तो’ सर्वात मोठा खुलासा!

मुंबईच्या वानखेडे स्टेडियमवर ‘माही’ पुन्हा एकदा सिक्सर लगावताना दिसेल, अशी स्वप्नं तुम्हीही पाहत होता का? मग ही बातमी नक्कीच तुमचा मोठा हिरमोड करणारी आहे. आयपीएलच्या १९ व्या हंगामातील आजच्या हाय-व्होल्टेज सामन्यात MS Dhoni मैदानात उतरणार नसल्याचे स्पष्ट झाले आहे. धोनीच्या एका झलकीसाठी वेड्या झालेल्या चाहत्यांसाठी हा एक मोठा धक्काच मानला जातोय.

आज वानखेडेवर मुंबई इंडियन्स आणि चेन्नई सुपर किंग्स (CSK) यांच्यात ३३ वा सामना रंगत आहे. सध्याच्या गुणतालिकेवर नजर टाकली तर मुंबई सातव्या आणि चेन्नई आठव्या क्रमांकावर संघर्ष करत आहेत. या अटीतटीच्या लढतीत धोनी खेळेल अशी मुंबईतल्या लाखो चाहत्यांना खात्री होती. कारण गेल्या काही सत्रांमध्ये तो वानखेडेवर जोरदार प्रॅक्टिस आणि विकेटकिपिंगचा सराव करताना स्पॉट झाला होता.

MS Dhoni CSK

पण प्रत्यक्ष सामन्याच्या काही वेळ आधीच चाहत्यांच्या अपेक्षांवर पाणी फेरलं गेलं. चेन्नईचा कर्णधार ऋतुराज गायकवाडने (Ruturaj Gaikwad) नाणेफेकीच्या (Toss) वेळी एक मोठा खुलासा केला. दुखापतीमुळे धोनी या अत्यंत महत्त्वाच्या सामन्यातूनही बाहेर असल्याचं त्याने जाहीर केलं. यंदाच्या हंगामात धोनी अद्याप एकही सामना खेळू शकलेला नाही.

धोनीच्या अनुपस्थितीबद्दल बोलताना ऋतुराज म्हणाला, “दुर्दैवाने धोनी आज इथं खेळत नाहीये. पण त्याच्याचमुळे सीएसकेला संपूर्ण देशात आणि जिथे जाऊ तिथे चाहत्यांचं अफाट प्रेम मिळतं.” धोनी नेटमध्ये फिट वाटत असला तरी त्याला सामन्यासाठी पूर्णपणे तयार व्हायला अजून काही वेळ लागू शकतो, असे संकेतच यातून मिळाले आहेत.

आता सर्वांचे लक्ष चेन्नईच्या पुढच्या प्रवासाकडे लागून आहे. आता येत्या २७ एप्रिलला चेन्नईचा सामना गुजरात टायटन्स विरुद्ध होणार आहे. या सामन्यात तरी आपला लाडका ‘थाला’ मैदानात कमबॅक करणार का? याकडेच संपूर्ण क्रिकेट जगताचे डोळे लागले आहेत. तोपर्यंत चाहत्यांना फक्त वाटच पाहावी लागणार आहे.

📌 महत्वाच्या बातम्या

• विधानसभा निवडणुका संपताच सर्वसामान्यांना मोठा शॉक; पेट्रोल-डिझेल थेट २८ रुपयांनी महागणार?
• सोने-चांदी खरेदीदारांसाठी मोठी बातमी : गुरुपुष्यामृत मुहूर्तावर सोन्या-चांदीच्या दरात मोठी घसरण!
• ‘मला माफ कर’; कृष्णमाचारी श्रीकांत यांनी रोहित शर्माची माफी मागितली

📰 पूर्ण बातमीचा Newspaper फोटो तयार करा