पुणे – महाराष्ट्रातील एसटी प्रवास आणखी सुरक्षित आणि वेळेवर करण्यासाठी एसटी महामंडळाने स्मार्ट बससेवेचा आराखडा तयार केला आहे. यासाठी नव्याने ३ हजार स्मार्ट बस खरेदी करण्यात आल्या असून, त्या लवकरच प्रवाशांच्या सेवेत दाखल होणार आहेत, अशी माहिती राज्याचे परिवहन मंत्री प्रताप सरनाईक यांनी दिली.
या नव्या बसांमध्ये AI आधारित कॅमेरे, GPS ट्रॅकिंग, Wi-Fi, एलईडी टीव्ही, बस लॉकिंग सिस्टम, चालक ब्रेथ अॅनालायझर, चोरी प्रतिबंधक यंत्रणा, आणि फोम-बेस आग प्रतिबंधक प्रणाली बसवली जाणार आहे. या सर्व सुविधांमुळे प्रवास सुरक्षित, आरामदायी आणि वेळेवर होईल, असा विश्वास सरनाईक यांनी व्यक्त केला.
Maharashtra ST Smart Buses with AI, GPS, Wi-Fi
स्वारगेट बसस्थानकावरील घटनेनंतर सुरक्षेचा मुद्दा अधिक गंभीर झाला असून, नवीन बसमध्ये CCTV कॅमेरे आणि चालकावर लक्ष ठेवणारे ‘थर्ड आय’ देखील बसवले जातील. याशिवाय, बस थांब्यावर उभ्या असताना पूर्णपणे लॉक ठेवण्याची व्यवस्था देखील बसमध्ये असेल.
जाहिरात महसूल वाढवण्यासाठी बसच्या आतील आणि बाहेरील भागात एलईडी पॅनल लावले जातील. यावरून सरकारचे संदेश, महत्त्वाच्या घडामोडी आणि जाहिराती दाखवल्या जातील. यामुळे प्रवासी प्रवास करत असतानाही अपडेट राहतील.
📌 महत्वाच्या बातम्या
- तुर्कीला भारताचा दणका; सेलेबी एअरपोर्ट सर्व्हिसेसचा सिक्युरिटी क्लिअरन्स रद्द
- नवसाच्या नावाखाली महिलेला आळंदीत नेलं, गुंगीचं औषध देत लैंगिक अत्याचार
- रेपो रेट पुन्हा कमी होण्याची शक्यता; गृहकर्जधारकांसाठी दिलासादायक बातमी
बातम्यांसाठी YouTube चॅनेल Subscribe करा
Subscribe Now
