Shivendraraje Bhosale | कराडमध्ये स्वर्गीय यशवंतराव चव्हाण समाधीस्थळी अभिवादन केल्यानंतर पत्रकारांशी संवाद साधताना राज्याचे सार्वजनिक बांधकाम मंत्री शिवेंद्रसिंहराजे भोसले यांनी खासदार शरद पवार यांच्यावर आरोप केले आहेत. शरद पवारांनी माजी दिंवगत मंत्री अभयसिंहराजे भोसले यांच्यावर अन्याय केला, असा आरोप शिवेंद्रराजे भोसले यांनी केला आहे.
“अभयसिंहराजे यांना मुख्यमंत्रीपद मिळाले असते तर सातारा जिल्ह्याचा विकास वेगळ्या पद्धतीने झाला असता”, असेही ते म्हणाले. शरद पवारांनी अभयसिंहराजे यांना राजकीयदृष्ट्या बाजूला सारल्याचा आरोप शिवेंद्रराजे यांनी माध्यमांशी बोलताना केला. आमदार डॉ. अतुल भोसले, आमदार मनोज घोरपडे, माजी आमदार आनंदराव पाटील आदींची या वेळी उपस्थिती होती.
“अभयसिंहराजे भोसले यांचे नेतृत्व महाराष्ट्राने पाहिले होते. 1999 साली स्वर्गीय अभयसिंहराजे भोसले काँग्रेस सोडून राष्ट्रवादीत आले नसते तर कदाचित काँग्रेसने त्यांना मुख्यमंत्रीपदी बसविले असते”, असा मोठा दावा शिवेंद्रसिंहराजे भोसले यांनी केला आहे.
“अभयसिंहराजे भोसले हे काँग्रेसचे दिवंगत ज्येष्ठ नते तथा माजी मुख्यमंत्री विलासराव देशमुख यांच्यापेक्षा एक टर्मने सीनियर होते. स्वर्गीय अभयसिंहराजे भोसले संयमी नेतृत्व होते. त्यांच्यावर कोणत्याही प्रकारचे आरोप नव्हते. मात्र असे असूनही खासदार शरद पवार यांनी त्यांना का बाजूला ठेवले?”, असा खोचक सवाल त्यांनी केला आहे.
महत्वाच्या बातम्या :
- Devendra Fadanvis | ना बीड ना नागपूर? कोणत्या जिल्ह्याचं पालकमंत्रीपद हवं?; फडणवीसांनी स्पष्टच सांगितलं
- Gopichand Padalkar | “फडणवीसांनी मला संयम राखायला सांगितलंय, पण…”, पडळकरांनी स्पष्टच सांगितलं
- Devendra Fadanvis | “…तेव्हा लोकांना वाटायचं, हा कसं काम करेल”, फडणवीसांनी सांगितला ‘तो’ किस्सा
