Rohit Pawar | टीम महाराष्ट्र देशा: राष्ट्रवादी शरद पवार गटाचे आमदार रोहित पवार सध्या मराठवाडा दौऱ्यावर आहे. या दौऱ्यादरम्यान रोहित पवारांनी शिंदे गटावर अप्रत्यक्षपणे खोचक टीका केली आहे.
ठाकरे गटाचे प्रमुख उद्धव ठाकरे (Uddhav Thackeray) यांनी शिंदे गटाला खेकड्याची उपमा दिली होती. त्यांच्या या विधानावरून रोहित पवार यांनी तानाजी सावंत (Tanaji Sawant) यांच्यावर टीका केली आहे.
रोहित पवारांनी सोशल मीडियावर हातात खेकडा घेऊन तानाजी सावंत यांना अप्रत्यक्ष टोला लगावला आहे.
रोहित पवार (Rohit Pawar) यांनी सोशल मीडियावर हातात जिवंत खेकडा घेऊन एक फोटो पोस्ट केला आहे. या पोस्टच्या माध्यमातून त्यांनी तानाजी सावंत आणि शिंदे गटावर अप्रत्यक्षपणे टीका केली आहे.
ट्विट करत रोहित पवार म्हणाले, “आपलं अपयश झाकण्यासाठी या बिचाऱ्याला उगीचच खूप बदनाम केलं… त्यामुळं याची खूप कीव येते.. आता पुढच्या अपयशाला कुणाला बदनाम केलं जातं हे बघूया!”
आपलं अपयश झाकण्यासाठी या बिचाऱ्याला उगीचच खूप बदनाम केलं… त्यामुळं याची खूप कीव येते.. आता पुढच्या अपयशाला कुणाला बदनाम केलं जातं हे बघूया! pic.twitter.com/6UNSDrcFlL
— Rohit Pawar (@RRPSpeaks) August 15, 2023
रोहित पवारांनी या ट्विटच्या माध्यमातून नाव न घेता तानाजी सावंत आणि शिंदे गटावर पुन्हा एकदा टीका केली आहे.
Crabs are very itchy – Rohit Pawar
दरम्यान, रोहित पवार (Rohit Pawar) यांनी याआधी देखील तानाजी सावंत यांच्यावर नाव न घेता टीका केली होती. “खेकड्याला खूप जास्त खाज असते. त्यामुळं खेकड्याला जेव्हा खायचं असतं तेव्हा त्याची खाज पूर्णपणे उतरावी लागते.
नाहीतर ती खाज आपल्याला येते. मात्र, खाज उतरवून जर खेकडा खाल्ला तर आपल्याला ती खाज येत नाही”, असं म्हणतं रोहित पवारांनी नाव न घेता तानाजी सावंत यांच्यावर निशाणा साधला होता.
त्याचबरोबर उद्धव ठाकरे यांनी शिंदे गटाला खेकड्याची उपमा दिल्यानंतर विरोधक त्यांच्यावर सातत्यानं खेकड्यावरून टोमणे मारताना दिसले आहे.
महत्वाच्या बातम्या
- Devendra Fadnavis | बडबड्या विरोधकांना पागलखाण्यात पाठवायचे का?- देवेंद्र फडणवीस यांची टोलेबाजी
- Job Vacancy | महाराष्ट्र एज्युकेशन सोसायटीत (MES) विविध पदांच्या रिक्त जागा भरण्यासाठी भरती प्रक्रिया सुरू
- Job opportunity | महाराष्ट्र औद्योगिक विकास मंडळात (MIDC) नोकरीची संधी! आजच करा अर्ज
- Uddhav Thackeray | “सत्ताधाऱ्यांच्या नकली हिंदुत्वाच्या वरवंट्याखाली…”; स्वातंत्र्य दिनानिमित्त ठाकरे गटाचा मोदी सरकारवर हल्लाबोल
- Rohit Pawar | शरद पवार आणि अजित पवारांच्या भेटीवर रोहित पवारांची प्रतिक्रिया; म्हणाले, “ही भाजपची रणनीती…”
बातम्यांसाठी YouTube चॅनेल Subscribe करा
Subscribe Now
