Rahul Narwekar | मुंबई: सर्वोच्च न्यायालयाने महाराष्ट्रातील सत्ता संघर्षाच्या सुनावणीचा निकाल विधानसभा अध्यक्ष राहुल नार्वेकर यांच्याकडे सोपवला आहे. राहुल नार्वेकर गेल्या काही दिवसापासून लंडन दौऱ्यावर होते. आज ते मुंबईत परतले आहे. मुंबईमध्ये पोहोचताच नार्वेकरांनी सत्ता संघर्षाच्या निकालाबाबत आपली भूमिका मांडली आहे.
राहुल नार्वेकर म्हणाले, “न्यायालयाने दिलेल्या निकालावर आम्ही लवकरात लवकर निर्णय घेण्याचा प्रयत्न करत आहोत. हा निर्णय पूर्ण चौकशी करून कायद्याच्या तरतुदीनुसार घेतला जाणार आहे. त्यामुळे या निर्णयासाठी कोणत्याही प्रकारची घाई केली जाणार नाही आणि उशीर देखील केला जाणार नाही. आपण सगळ्यांनी चिंतामुक्त राहा, कारण जो निर्णय घेतल्या जाईल तो सुप्रीम कोर्टाच्या आदेशानुसार आणि कायद्याच्या तरतुदीमध्ये राहून घेतला जाणार आहे.”
विधानसभा अध्यक्षांवर दबाव निर्माण केला जात आहे, असं देवेंद्र फडणवीस काही दिवसांपूर्वी म्हणाले होते. त्यावर उत्तर देत राहून नार्वेकर म्हणाले, “सभागृहाच्या बाहेर केलेल्या वक्तव्यावर मी भाष्य करणार नाही. मी त्याकडे लक्षही देत नाही. कायद्याच्या तरतुदीनुसारच निकाल जाहीर केला जाईल.”
पुढे बोलताना ते म्हणाले, “मी कुणाच्या मनानुसार व्हावं म्हणून निर्णय घेणार नाही. कायद्याच्या चौकटीत राहूनच सर्व निर्णय घेतले जाणार आहे. कुणाला वाटत असेल लवकर निर्णय यावा तर आम्ही तो देऊ शकत नाही. प्रक्रिया लवकर पूर्ण झाली तर लगेच निर्णय येईल.”
महत्वाच्या बातम्या
- Ambadas Danve | राज्यातील दंगलींना राज्य शासन जबाबदार?; अंबादास दानवे यांचं राज्य सरकारवर टीकास्त्र
- Gulabrao Patil | “… म्हणून मी उद्धव ठाकरेंना सोडलं”; ठाकरेंसोबत गद्दारीच्या आरोपावर गुलाबराव पाटील यांचं स्पष्टीकरण
- Chandrakant Khaire | महाराष्ट्रामध्ये होणाऱ्या दंगली म्हणजे भाजपचा लोकसभेचा प्लॅन; चंद्रकांत खैरे यांचा गंभीर आरोप
- Ajit Pawar | “सोशल मीडियावर व्हायरल क्लिपमुळे…” ; महाराष्ट्रात झालेल्या दंगलीप्रकरणी अजित पवारांची प्रतिक्रिया
- Devendra Fadnavis | “या दंगली जाणीवपूर्वक…” ; महाराष्ट्र दंगली प्रकरणावर देवेंद्र फडणवीस यांची प्रतिक्रिया
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
