सुप्रिया सुळे आणि विनोद तावडे एकाच गाडीतून रवाना; राजकीय वर्तुळात चर्चांना उधाण

दिल्ली : राजकीय वर्तुळातून एक महत्त्वाची बातमी समोर येत आहे. गेल्या काही दिवसांपासून राष्ट्रवादी काँग्रेसच्या (शरद पवार गट) एनडीए (NDA) मध्ये सामील होण्याबाबत सतत चर्चा आणि तर्क-वितर्क लावले जात आहेत. याच पार्श्वभूमीवर, राष्ट्रवादीच्या खासदार सुप्रिया सुळे (Supriya Sule) आणि भाजपचे नेते व राष्ट्रीय सरचिटणीस विनोद तावडे (Vinod Tawade) एकाच गाडीतून प्रवास करताना दिसले.

या घटनेमुळे राजकीय चर्चांना पुन्हा उधाण आले आहे. बुधवारी दिल्लीतील महाराष्ट्र सदनात ‘जल जीवन मिशन’बाबत एक महत्त्वाची बैठक झाली, ज्याला सुप्रिया सुळे आणि विनोद तावडे दोघेही उपस्थित होते. मात्र, बैठक सुरू असतानाच हे दोन्ही नेते बाहेर पडले आणि एकाच गाडीतून रवाना झाले. या घटनेने राज्यभरात जोरदार चर्चा सुरू झाली आहे.

Supriya Sule and Vinod Tawde seen leaving in the same car

राष्ट्रवादी काँग्रेसचा एनडीएमध्ये समावेश होण्याबाबत काही काळापासून चर्चा सुरू आहे. काही दिवसांपूर्वीच पक्षाचे प्रमुख शरद पवार यांनी पंतप्रधान नरेंद्र मोदी यांची भेट घेतली होती. त्यानंतर, सुप्रिया सुळे आणि बजरंग सोनवणे यांनी केंद्रीय गृहमंत्री अमित शाह यांची भेट घेतल्याचे दिसून आले होते.

दरम्यान, सुप्रिया सुळे यांच्या नेतृत्वाखालील राष्ट्रवादीच्या खासदारांच्या शिष्टमंडळानेही अलीकडेच पंतप्रधान नरेंद्र मोदी यांची भेट घेतली. विशेष म्हणजे, या भेटीपूर्वी सुप्रिया सुळे यांनी पत्रकार परिषदेत स्पष्ट केले होते की, ही भेट महाराष्ट्राशी संबंधित विविध मुद्द्यांवर चर्चा करण्यासाठी आयोजित करण्यात आली होती.

आता सुप्रिया सुळे आणि विनोद तावडे यांना एकाच गाडीतून प्रवास करताना पाहिल्यामुळे या चर्चांना आणखी बळ मिळाले आहे. दिल्लीतील महाराष्ट्र सदनात झालेल्या ‘जल जीवन मिशन’च्या महत्त्वपूर्ण बैठकीला हे दोन्ही नेते उपस्थित होते, परंतु बैठक सुरू असतानाच ते बाहेर पडले आणि एकाच गाडीतून एकत्र निघून गेले. या घडामोडीमुळे पुन्हा एकदा मोठ्या प्रमाणावर तर्क-वितर्क लावले जात आहेत.

📌 महत्वाच्या बातम्या

• राहुल गांधींवर शिंदेंचा पलटवार; “पार्ट-टाईम राजकारण करून चालत नाही”
• जंतर-मंतर आंदोलनाचा ‘सीझन २’ लवकरच…; अभिजीत दिपकेंची मोठी घोषणा
• बटर चिकन’मध्ये खरंच बटर होतं का? फेमस ‘हॉटेल अमरप्रीत’वर FDA चा छापा; जागेवरच लायसन्स रद्द

📰 पूर्ण बातमीचा Newspaper फोटो तयार करा