🕒 1 min read
सिक्सर किंग युवराज सिंगची आठवण यावी, अशी खेळी पुन्हा एकदा पाहायला मिळाली, तर काय वाटेल? असाच काहीसा थरार काल विशाखापट्टणममध्ये क्रिकेट चाहत्यांनी अनुभवला. न्यूझीलंडच्या (IND vs NZ T20) गोलंदाजांना अक्षरशः रडकुंडीला आणत शिवम दुबे (Shivam Dube) याने मैदानावर जो काही ‘धिंगाणा’ घातलाय, त्याची चर्चा आता जगभरात सुरू झाली आहे.
विशाखापट्टणमच्या एसीए-व्हीडीसीए स्टेडियमवर न्यूझीलंडने टीम इंडियासमोर 216 धावांचा डोंगर उभा केला होता. या भव्य आव्हानाचा पाठलाग करताना भारताची सुरुवात अत्यंत खराब झाली. अभिषेक शर्मा आणि कॅप्टन सूर्यकुमार यादव स्वस्तात माघारी परतले. संजू सॅमसन (24) आणि रिंकू सिंग (39) यांनी थोडा प्रतिकार केला, पण मोठी धावसंख्या उभारण्यात ते अपयशी ठरले. खुद्द हार्दिक पंड्याही अवघ्या 2 धावांवर बाद झाल्याने भारतीय चाहत्यांच्या काळजाचा ठोका चुकला होता.
IND vs NZ T20
सहाव्या क्रमांकावर बॅटिंगला आलेल्या शिवम दुबेने हर्षित राणाच्या साथीने न्यूझीलंडच्या गोलंदाजीची पिसं काढली. आल्या आल्या त्याने आक्रमक पवित्रा घेतला. जेकब डफीच्या 13 व्या ओव्हरमध्ये पाचव्या बॉलवर उत्तुंग षटकार खेचत शिवमने अवघ्या 15 बॉलमध्ये अर्धशतक पूर्ण केलं! त्याचा हा रुद्रावतार पाहून किवी गोलंदाजही हबकले होते.
या वादळी खेळीत शिवमने 6 सिक्स आणि 2 चौकार लगावले. त्याचा Strike Rate तब्बल 346.67 इतका राहिला. विशेष म्हणजे, या खेळीसह त्याने हार्दिक पंड्याचा रेकॉर्ड मोडीत काढला आहे. हार्दिकने दक्षिण आफ्रिकेविरुद्ध 16 चेंडूत अर्धशतक केले होते, तर शिवमने 15 चेंडूत ही किमया साधली.
आता भारताकडून टी-20 मध्ये सर्वात वेगवान अर्धशतक ठोकणाऱ्यांच्या यादीत शिवम तिसऱ्या क्रमांकावर आला आहे. पहिल्या क्रमांकावर आजही युवराज सिंग (12 चेंडू) आणि दुसऱ्या क्रमांकावर अभिषेक शर्मा (14 चेंडू) विराजमान आहेत. शिवमच्या या ‘पॉवर-हिटिंग’मुळे टीम इंडियाच्या गोटात आनंदाचे वातावरण आहे.
📌 महत्वाच्या बातम्या
- अजितदादांच्या वैमानिकाचा ‘धक्कादायक’ रेकॉर्ड! दोनदा ‘अल्कोहोल टेस्ट’मध्ये फेल; ३ वर्ष घरी बसवला होता?
- “हा घातपात नाही, हा तर…” अजितदादांच्या निधनानंतर शरद पवारांनी स्पष्टच सांगितलं; अफवांना पूर्णविराम!
- ‘महाराष्ट्राने कष्टाळू नेता गमावला..’; अजितदादांच्या निधनावर सचिन तेंडुलकर भावुक, क्रिकेटविश्व हादरलं!
बातम्यांसाठी YouTube चॅनेल Subscribe करा
Subscribe Now
