प्रतिनिधी, 24 ऑक्टोबर: मराठा आंदोलक मनोज जरांगे पाटील यांनी शेअर केलेल्या ऑडिओ क्लिपने महायुतीमध्ये मोठा वाद निर्माण केला आहे. या क्लिपच्या आधारे ठाकरे गटाच्या किशोरी पेडणेकर आणि विरोधकांनी एकनाथ शिंदे यांच्यावर खळबळजनक दावा केला आहे. भाजपकडून घेतलेले ५०० कोटी रुपये शिंदेंनी जरांगे यांना दिले नसल्याचा आरोप त्यांनी केला. यावर आक्रमक होत शिंदे गटाचे ज्येष्ठ नेते रामदास कदम यांनी थेट जरांगे पाटील आणि मित्रपक्ष भाजपला लक्ष्य केले. ‘भाजपमधून एकनाथ शिंदे यांना संपवण्याचा विडा कोणी उचलला आहे,’ असा थेट सवाल कदम यांनी विचारला.
कदम यांच्या या आक्रमक पवित्र्यानंतर भाजपच्या गोटातून तीव्र प्रतिक्रिया उमटली. प्रसाद लाड, प्रवीण दरेकर आणि नवनाथ बन यांच्यासह अनेक नेत्यांनी रामदास कदम यांच्यावर चहुबाजूंनी जोरदार पलटवार केला. मात्र, या शाब्दिक चकमकीत मंत्री उदय सामंत यांचा अपवाद वगळता शिवसेनेतील अन्य कोणत्याही नेत्याने भाजपला प्रत्युत्तर दिले नाही. परिणामी, शिंदेंसाठी संपूर्ण भाजपला अंगावर घेणारे रामदास कदम पक्षात एकाकी पडल्याची चर्चा राजकीय वर्तुळात सुरू झाली आहे.
मित्रपक्षाकडून रचल्या जात असलेल्या कथित कटाबाबत रामदास कदम यांनी थेट पंतप्रधान नरेंद्र मोदी यांना पत्र लिहून आपली तीव्र नाराजी व्यक्त केली आहे. दुसरीकडे, शिवसेनेच्या नेत्यांनी मुख्यमंत्री देवेंद्र फडणवीस यांची भेट घेऊन संबंधित ऑडिओ क्लिपची चौकशी करण्याची मागणी केली. क्लिपप्रकरणी चौकशीची मागणी होत असली तरी, कदम यांच्यावरील भाजपच्या टीकेवर शिवसेनेतील नेत्यांनी मौन बाळगले आहे.
भाजपला थेट आव्हान देणारे कदम पक्षात एकाकी पडल्याचे चित्र असून, शिवसेनेतील अंतर्गत धुसफूस वाढल्याची दबक्या आवाजात चर्चा आहे. आता एकटे पडलेल्या रामदास कदम यांच्यासाठी शिंदे गट कोणती भूमिका घेणार, याकडे साऱ्यांचे लक्ष लागले आहे.
📌 महत्वाच्या बातम्या
- भारतीय संघात पुनरागमनासाठी भुवनेश्वर कुमारचा मोहम्मद शमीला सल्ला; फिटनेसच्या चर्चांवरून शमीची मोठी प्रतिक्रिया
- न्यूझीलंडविरुद्धच्या दुसऱ्या टी-२० सामन्यात वैभव सूर्यवंशीला सलामीची संधी नाकारली
- IND vs NZ 2nd T20I: ड्रिम ११ प्रेडिक्शन, खेळपट्टीचा अहवाल आणि संभाव्य प्लेइंग इलेव्हन
Quick Answers
भाजपकडून घेतलेले ५०० कोटी रुपये एकनाथ शिंदेंनी मनोज जरांगे यांना दिले नाहीत, असा आरोप किशोरी पेडणेकर आणि विरोधकांनी केला आहे.
रामदास कदम यांनी, 'भाजपमधून एकनाथ शिंदे यांना संपवण्याचा विडा कोणी उचलला आहे,' असा थेट सवाल उपस्थित केला.
भाजप नेत्यांच्या जोरदार पलटवारानंतर मंत्री उदय सामंत यांचा अपवाद वगळता शिवसेनेतील अन्य कोणत्याही नेत्याने भाजपला प्रत्युत्तर दिले नाही.
मित्रपक्षाकडून रचल्या जात असलेल्या कथित कटाबाबत रामदास कदम यांनी थेट पंतप्रधान नरेंद्र मोदी यांना पत्र लिहून तीव्र नाराजी व्यक्त केली आहे.
टीप: खालील झटपट उत्तरे AI च्या सहाय्याने तयार करण्यात आली असून ती वरील मूळ बातमीतील माहितीनुसार आहेत. अधिक संदर्भासाठी संपूर्ण बातमी वाचा.
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
