क्रिकेटच्या मैदानात जेव्हा समोर 208 धावांचं डोंगराएवढं लक्ष्य असतं आणि पाठलाग करताना तुमचे पहिले दोन मुख्य शिलेदार अवघ्या 6 धावांत तंबूत परततात, तेव्हा काय वाटतं? सामना संपला? बहुतेक भारतीय चाहत्यांना रायपूरमध्ये असंच वाटलं असेल. पण नाही, खरा थरार तर तिथूनच सुरू झाला. भारताने न्यूझीलंडविरुद्धच्या दुसऱ्या टी-20 सामन्यात 7 विकेट्सने दणदणीत विजय मिळवत मालिकेत 2-0 अशी अभेद्य आघाडी घेतली आहे.
Ind vs NZ 2nd T20 Highlights
रायपूरच्या शहीद वीर नारायण सिंग स्टेडियमवर धावांचा पाऊस पडला. 208 धावांच्या आव्हानाचा पाठलाग करताना टीम इंडियाची सुरुवात एखाद्या भयानक स्वप्नासारखी झाली. संजू सॅमसन आणि अभिषेक शर्मा हे दोघेही अवघ्या 6 धावांवर माघारी परतले. स्टेडियममध्ये स्मशानशांतता पसरली होती. पण त्यानंतर जे घडलं, त्याने किवी गोलंदाजांची झोप उडवली. कर्णधार सूर्यकुमार यादव आणि ईशान किशन यांनी तिसऱ्या विकेटसाठी 122 धावांची वादळी भागीदारी करत सामना एकहाती भारताच्या बाजूने झुकवला.
ईशान किशन वेगळ्याच मूडमध्ये होता. त्याने न्यूझीलंडच्या गोलंदाजांचा समाचार घेत अवघ्या 21 चेंडूत अर्धशतक पूर्ण केलं. हे नुसतं अर्धशतक नव्हतं, तर एक मोठा विक्रम होता. Ind vs NZ 2nd T20 सामन्यात ईशानने न्यूझीलंडविरुद्ध सर्वात वेगवान अर्धशतक ठोकण्याचा मान मिळवला. विशेष म्हणजे, अवघ्या 48 तासांपूर्वी हा विक्रम अभिषेक शर्माने केला होता, जो ईशानने मोडीत काढला. ईशानने 32 चेंडूत 76 धावांची खेळी केली, ज्यामध्ये 11 खणखणीत चौकार आणि 4 गगनभेदी षटकारांचा समावेश होता.
दुसरीकडे, न्यूझीलंडनेही कडवी झुंज दिली होती. सुरुवातीला हर्षित राणा आणि वरुण चक्रवर्तीने कॉनवे आणि सीफर्टला बाद करत भारताला यश मिळवून दिलं होतं. पण मधल्या फळीत रचिन रवींद्र (44) आणि शेवटी मिचेल सँटनरने 27 चेंडूत 47 धावा कुटल्यामुळे न्यूझीलंड 208 पर्यंत मजल मारू शकला. मात्र, सूर्या आणि शिवम दुबेने शेवटच्या टप्प्यात कोणतीही चूक न करता भारताच्या विजयावर शिक्कामोर्तब केलं.
📌 महत्वाच्या बातम्या
- ‘त्या’ रात्री बाळासाहेबांनी जीव वाचवला नसता तर…; बिग बींनी सांगितला अंगावर काटा आणणारा किस्सा!
- आधी पाकिस्तानी खेळाडूंना मिठी, मग हस्तांदोलन; इरफान पठाणच्या ‘त्या’ कृतीवर नेटकरी भडकले?
- किंग कोहलीच्या टीमसाठी आदर पूनावाला मैदानात; खरेदीसाठी लावली ‘इतकी’ मोठी बोली?
बातम्यांसाठी YouTube चॅनेल Subscribe करा
Subscribe Now
