🕒 1 min read
एका म्यानात दोन तलवारी आणि बिग बॉसच्या घरात दोन ‘नृत्यांगना’ कधीच शांत राहू शकत नाहीत, याचा प्रत्यय शो सुरू झाल्याच्या दुसऱ्याच दिवशी आलाय. Bigg Boss Marathi 6 च्या घरात शांततेची अपेक्षा करणे म्हणजे वाळवंटात पाण्याची अपेक्षा करण्यासारखं आहे. घरात एन्ट्री होताच लावणीच्या मुद्द्यावरून आता मोठा राडा (Big Fight) झाला आहे. सुप्रसिद्ध अभिनेत्री आणि नेत्या दीपाली सय्यद (Deepali Sayed) आणि सोशल मीडिया स्टार राधा पाटील (Radha Patil) यांच्यात शब्दांच्या तलवारी उपसल्या गेल्या आहेत.
Bigg Boss Marathi 6 Fight
घरात चर्चा सुरू असताना दीपाली सय्यद यांनी सध्याच्या लावणीच्या दर्जावर आणि सादरीकरणावर बोट ठेवलं. दीपाली म्हणाल्या, “लावणी म्हणजे महाराष्ट्राची शान आहे… पण तुम्ही त्याला चीप (Cheap) करून टाकलंय. बार डान्सर तुम्ही स्टेजवर घेऊन येता.” दीपाली यांचा हा थेट वार राधा पाटीलच्या जिव्हारी लागला. लावणीत होणारी भेसळ आणि संस्कृतीचा ऱ्हास यावर दीपाली यांनी परखड मत मांडलं.
दीपालींचे हे शब्द ऐकताच राधाचा पारा चढला. तिनेही आक्रमक पवित्रा घेत दीपालीला सडेतोड उत्तर दिलं. प्रोमोमध्ये राधा स्पष्टपणे म्हणतेय, “दिपाली ताई मला लावणीवरून बोलत आहेत. मी पण लायकी काढू शकते. त्या पण डान्समध्ये होत्याच ना, तिचं कुठे नाव येतं डान्समध्ये?” एका सिनियर कलाकाराबद्दल राधाने थेट ‘लायकी’चा विषय काढल्याने घरात शांतता पसरली.
गौतमी पाटीलसोबतच्या वादाने चर्चेत आलेली राधा आणि लावणीचा मोठा अनुभव गाठीशी असलेल्या दीपाली, यांच्यातील हा वाद आता कोणत्या थराला जाणार? हे पाहणं रंजक ठरणार आहे. विशेष म्हणजे, राधाने घरात येतानाच “मी कोणाला घाबरत नाही,” असं सांगितलं होतं. त्यामुळे हा वाद इथेच थांबणार की त्याचे पडसाद ‘भाऊच्या धक्क्यावर’ उमटणार? याची उत्सुकता प्रेक्षकांना लागली आहे.
📌 महत्वाच्या बातम्या
- IND vs NZ: ‘रोहित-विराटबद्दल आम्ही देवाकडे एकच प्रार्थना करतोय…’; न्यूझीलंडच्या खेळाडूची ‘ती’ कबुली चर्चेत!
- ‘भ्रष्ट माणसाच्या हातात सत्ता देऊ नका…’; मतदानाआधी तेजस्विनी पंडितची ‘ती’ पोस्ट वादळ उठवणार!
- सोनू सूदने पुन्हा जिंकलं काळीज; गुजरातमधील गोशाळेसाठी दिली तब्बल २२ लाखांची देणगी
बातम्यांसाठी YouTube चॅनेल Subscribe करा
Subscribe Now
